Elorda ákimdigi qalanyń iri saýda ortalyǵynyń daiyndyǵyn tekserip, onyń jumysyna «jaqsy» degen baǵa berdi, dep habarlaidy "Ult aqparat" Nur-Sultan qalasy ákimdiginiń resmi saityna silteme jasap.
«Búgin biz SES organdarymen birge karantindi jeńildetý aiasynda ortalyq bazar jumysyn qalpyna keltirý daiyndyǵyn tekserdik. Daiyndyq joǵary. Negizinde, barlyq bazarlar antiseptik, maskalarmen qamtamtylyp, logistika uiymdastyrylǵan. Bazar basshylyǵymen sanitarlyq normalardyń saqtalýyna baqylaý júrýde.Baqylaý ári qarai jalǵasady», – dedi Nur-Sultan qalalyq investitsiia jáne kásipkerlikti damytý basqarmasynyń basshysy Erlan Bekmýrzaev.
Ortalyq bazardyń basqarýshy kompaniiasynyń direktory Atahan Abdijalilovtyń aitýynsha, saýdagerler men bazar qyzmetkerleri antiseptik, qolǵap, sanitaizerlermen tolyq qamtylǵan.
«Biz muny kúndelikti tekseremiz», – dedi ol.
