13 qazanda Qazaqstannyń birqatar óńirinde tuman, naizaǵai, shańdy daýyl jáne qatty jel kútiledi. Sonymen qatar birneshe oblysta joǵary jáne tótenshe órt qaýpi saqtalady, dep habarlaidy ult.kz.
«Qazgidromet» RMK málimetinshe, Shymkent qalasynda túnniń birinshi jartysynda jańbyr jaýyp, naizaǵai oinaidy. Soltústik-shyǵystan soǵatyn jeldiń ekpini 15–20 m/s bolady.
Jambyl jáne Túrkistan oblystarynyń taýly aýdandarynda tuman kútiledi. Túrkistan oblysynyń ońtústigi men taý bókterli aýdandarynda jańbyr jaýyp, naizaǵai oinaidy. Taýly aýdandarda jańbyr men qar túrindegi jaýyn-shashyn boljanady. Jambyl oblysynyń taýly aýdandarynda kúndiz jeldiń ekpini 15–20 m/s-qa jetedi.
Batys Qazaqstan, Atyraý jáne Mańǵystaý oblystarynda shańdy daýyl kútiledi. Batys Qazaqstan oblysynyń batysy men ońtústiginde, Atyraý oblysynyń batysynda, sondai-aq Mańǵystaý oblysynyń batysy, ońtústigi men ortalyǵynda qolaisyz aýa raiy boljanady. Bul óńirlerde jeldiń ekpini 15–20 m/s bolady. Mańǵystaý oblysynda kei ýaqytta 25 m/s-qa deiin kúsheiýi múmkin.
Aqtóbe, Qostanai, Soltústik Qazaqstan jáne Aqmola oblystarynda túnde jáne tańerteń tuman túsedi. Qaraǵandy, Ulytaý, Shyǵys Qazaqstan oblystarynyń birqatar aýdandarynda da tuman kútiledi. Abai oblysynyń ortalyǵynda tuman bolady.
Soltústik Qazaqstan oblysynda kúndiz batysy men ońtústiginde jeldiń ekpini 15–20 m/s-qa jetedi. Pavlodar oblysynyń soltústigi men shyǵysynda jel 18 m/s-qa deiin kúsheiedi. Shyǵys Qazaqstan oblysynyń soltústigi men shyǵysynda kúndiz jeldiń ekpini 15–20 m/s bolady.
Almaty oblysynyń shyǵysynda soltústik-shyǵystan soǵatyn jeldiń ekpini 15–20 m/s-qa jetedi. Jetisý oblysynyń taýly aýdandarynda túnde tuman kútiledi. 13–14 qazanda Alakól kólderi aýdanynda soltústik-batystan soǵatyn jeldiń ekpini 15–20 m/s, kei ýaqytta 23–28 m/s bolady.
Órt qaýpine qatysty eskertýler de jariialandy. Batys Qazaqstan, Atyraý, Aqtóbe, Qaraǵandy, Ulytaý, Jetisý jáne Qyzylorda oblystarynyń birqatar aýmaǵynda joǵary nemese tótenshe órt qaýpi saqtalady. Atap aitqanda, Atyraý oblysynyń ońtústiginde, Aqtóbe oblysynyń batysy, ońtústigi men ortalyǵynda, Qaraǵandy oblysynyń batysynda, Ulytaý oblysynyń batysy, ortalyǵy men ońtústiginde jáne Qyzylorda oblysynyń aýmaǵynda tótenshe órt qaýpi boljanady.
Sinoptikter turǵyndardy aýa raiynyń qolaisyzdyǵyn eskerip, saqtyq sharalaryn ustanýǵa shaqyrady.
