Elordadaǵy mobildi toptar kásipkerlik sýbektileri arasynda karantin rejimin buzýǵa qatysty jyl basynan beri 1 180 reid kezinde shekteý sharalaryn saqtamaýdyń 734 faktisin tirkedi, dep habarlaidy "Ult aqparat" qala ákimdigine silteme jasap.
Bul týraly qalalyq politsiia departamenti jergilikti politsiia qyzmetiniń bastyǵy Arman Aitmaǵambetov málim etti.
Elorda ákimdiginde qala ákiminiń orynbasary Baqtiiar Mákenniń tóraǵalyǵymen Nur-Sultanda koronavirýs infektsiiasynyń taralýyna jol bermeý jónindegi komissiianyń kezekti otyrysy ótti.
«Qala aýmaǵynda karantindik sharalardyń jalǵasýyna bailanysty politsiia departamenti shaǵyn jáne orta biznes nysandarynyń, elorda turǵyndary men qonaqtarynyń olardy saqtaýy boiynsha aldyn alý jumystaryn júrgizýde. Epidemiologiialyq talaptardy buzatyn obektilerge, iaǵni oiyn-saýyq oryndaryna, dámhanalarǵa, meiramhanalarǵa, karaokege, barlarǵa, saýda ortalyqtaryna erekshe nazar aýdarylady. Osy jyldyń basynan beri mobildik toptar 1180 reid ótkizip, 734 karantin sharalaryn buzý anyqtady», — dedi Aitmaǵambetov.
Sanitarlyq-epidemiologiialyq baqylaý departamenti Mamandandyrylǵan aýdanaralyq ákimshilik sotqa 42 mekemege qatysty 53 material jiberdi, olar — qaralý satysynda.
Sot sheshimimen 36 mekemeniń ákimshiligi obektilerdiń qyzmeti toqtatylyp, ákimshilik jaýapkershilikke tartyldy.
Karantindi buzýshylardy anyqtaý boiynsha jumystar jalǵasýda, halyqqa karantindik sharalardy saqtaý týraly túsindirý suhbaty júrgizilýde.
