Jaqynda elordadaǵy qoǵamdyq kólik júiesine 100 jańa elektrobýspen tolyǵady. Bul týraly «Astana LRT» JShS basqarma tóraǵasy Bekmyrza Igenberdinov málim etti, dep habarlaidy "Ult aqparat".
«Elordada 100 jańa elektr avtobýsy paida bolady. Osy oraida avtobýs tapshylyǵyn qysqartyp, jyljymaly quramdy jaily avtobýstarmen jańartamyz. Avtobýstardyń júrý intervaly qysqartylady, iaǵni aialdamalarda avtobýstardyń kútý ýaqyty da qysqarady», - dedi Igenberdinov.
Belgili bolǵandai, jyl sońyǵa deiin 50 elektrobýs qala kóshelerine shyǵady, qalǵan aldaǵy jyly jetkiziledi.
Onyń sózine qaraǵanda, 12 metrlik avtobýstar tómen edendi bolyp keledi jáne 350 shaqyrym jol qory bar litii-temir-polimerli batareiamen jabdyqtalǵan. Batareianyń qyzmet etý merzimi 10 jyldy quraidy. Batareiaǵa kepildik – 7 jyl, elektrqozǵaltqyshqa – 5 jyl.
Jaily bolýy úshin elektrobýstar qosymsha jabdyqtalǵan, bul onyń qunyna da áser etti. Bazalyq jiyntyqqa mynadai qajetti júieler men komponentterdiń tizimi qosyldy: jol aqysyn tóleýdiń elektrondyq júiesi, dispetcherlendirý, beinebaqylaý, aqparattandyrý júieleri, qysqy jiyntyq, jylytý jáne batareialarǵa arnalǵan jylytý júiesi, akkýmýliatorlardy tómen temperatýrada basqarýdyń ziiatkerlik júiesi.
«Astana LRT» basshysynyń aitýynsha, biylǵy aqpan aiynda Nur-Sultan qalasyndaǵy avtobýs parki otandyq óndiristiń elektrobýsyn synaqtan ótkizdi. Testileý qys kezeńi (~ -38℃) eń tómengi temperatýra kezinde júrgizildi. Elektr energiiasynyń shyǵyny 1 km-ge 0,91 kVt qurady. «SaryarqaAvtoProm» JShS Atyraý avtobýs parkimen birlesip batys óńirdiń klimattyq jaǵdailarynda synaq júrgizdi, sondai-aq elektrobýs batareialaryn Nur-Sultan – Qostanai – Nur-Sultan baǵdary boiynsha uzaq qashyqtyqqa paidalaný kezinde synaqtan ótkizdi.
«Synaq qorytyndysy boiynsha elektrobýs oń nátije kórsetti. Testileý aiasynda elektrobýstyń qajetti jinaqtalymy qalyptastyrylyp, qalalyq baǵyttarda paidalaný úshin barlyq qajetti jaǵdailar eskerildi», - dedi ol.
Igenberdinov atap ótkendei, atalǵan qoǵamdyq kólikter ulttyq lizing operatory «QDB-Lizing» AQ arqyly avtobýs parkin otandyq óndiris tehnikasymen jańartý boiynsha memlekettik baǵdarlama aiasynda satyp alynady. Lizing merzimi jyldyq 7 paiyzdyq syiaqy mólsherlemesimen 7 jyldy quraidy.
«Bul Qazaqstandaǵy lizingtik mámileler úshin eń tómengi mólsherleme. Aita keterligi, lizingtik qarjylandyrý teńgemen júrgiziledi, bul qazirgi jaǵdaida turaqtylyqqa kepildik beredi», - dedi «Astana LRT» basshysy.
Onyń atap ótýinshe, jetkizýshini tańdaý kezinde elektrobýstardyń álemdik naryǵyna taldaý júrgizildi. Mysaly, frantsýzdyq 12 metrli Heuliez Bus GX 337 Electric elektrobýsynyń eń tómengi quny 460 000 eýrodan nemese nemis MAN Lion's City E – 580 000 eýrodan, nemis Mercedes eCitaro – 510 000 eýrodan bastalady. Sonymen qatar, elektrobýs batareialarynyń túri men kólemi boiynsha aiyrmashylyǵy bar ekenin, bul olardyń qunyna tikelei áser etetinin nazarǵa alǵan jón.
Ónim berýshini tańdaýdaǵy taǵy bir mańyzdy faktor – ol konkýrs jariialanǵan kezde, iaǵni 2019 jylǵy 28 maýsymda, otandyq taýar óndirýshi bolýy tiis. Osy oraida «SaryarqaAvtoProm» kompaniiasy barlyq qajetti talaptarǵa sai boldy, onyń Yutong ZK6128BEVG elektrobýsynyń 1 birliginiń quny 146 712 333 teńge, bul búgingi kúngi baǵam boiynsha shamamen 388 myń AQSh dollaryn quraidy.
Sondai-aq, Igenberdinovtyń aitýynsha, elektrobýstarǵa júrgizýshiler daiyndalyp jatyr.
«Kóp jyldan beri biz avtobýstardyń túrli modelderin paidalanyp kelemiz, olardyń tehnikalyq sipattamasy bizge túsinikti. Bul turǵyda ár modelge tyńǵylyqty qaraý kerek. Osy oraida ózimizdiń tájiribemizdi eskere otyryp, sapaly tehnikanyń mán-jaiynan habardarmyz. Qymbat emes avtobýstardy alyp, olar bir jyldan keiin shashyla bastasa, budan shyǵynǵa tap bolamyz. Bizdiń qala ósip keledi, jyl saiynǵy ósim 5 paiyzdan astam. Turǵyndar qoǵamdyq kólikke belsendi túrde aýysyp jatyr.
Sáikesinshe, qaýipsizdik pen paidalaný qolailyǵy turǵysynan barlyq talaptarǵa sai tehnikany alýǵa tyrysamyz. Taldaý nátijeleri boiynsha elektrobýstardy alý sheshimin qarastyrdyq. Osy rette sapaly ónimdi alyp, eleýli shyǵynsyz bul mashinalar 10 jyl júrip beredi degendi túsiný kerek. Qazirgi kezde júrgizýshilerdi daiyndap jatyrmyz, iaǵni osy elektrobýstarǵa biliktiligi bar mamandar otyrǵyzylady. Elektrobýstarda asa kóp bólshek joq, onda negizgi bólsheginiń biri - batareia. Batereiaǵa kepildik merzimi belgilengen, sondai-aq servistik qyzmet kórsetý de eskerilgen», - dedi Bekmyrza Igenberdinov.
