Elordanyń qaq ortasyndaǵy biznes ortalyqtardyń birinde LGBT-nyń týyn kóterip qoidy, dep habarlaidy Sputnik Qazaqstan.
"Búgin, 11 qazanda álem boiynsha árbir adamnyń óziniń ishki bolmysyn saqtaýǵa jáne erkin bolýǵa degen ámbebap quqyǵyn atap ótip otyrmyz. Álemdegi árbir adamnyń, sonyń ishinde LGBT-nyń teń quqyǵy men áleýmettik mártebesi bolýy qajet. Diskriminatsiiaǵa jol berilmeýi kerek. Sol sebepti búgin tańǵy saǵat 9:00-de túrli-tústi týdy kishkentai bolsa da, teń quqyqtyń mańyzdy ári oń simvoly retinde kóterip qoidyq. Osy bastamaǵa Eýropalyq odaq memleketteriniń basqa da elshileri qoldaý bildirip, týdy kóterý rásimine qatysty", - dedi Niderlandy elshiliginiń qyzmetkerleri.
Biznes-ortalyqta Niderlandy elshiliginen bólek, Germaniia, Avstriia, Vengriia, Belgiia, Ulybritaniia, Italiia, Japoniia, Frantsiia, Shveitsariia men Horvatiianyń diplomatiialyq korpýsy ornalasqan.
Aita keteiik, búgin Amerikada "Kaming-aýttyń ulttyq kúni" atalyp ótedi. Osy meiramnyń negizgi maqsaty - lesbiiandar, gomoseksýaldar, biseksýaldar men transgenderlerdiń quqyqtaryn qorǵaý. Bas kezinde kaming-aýt kúni tek AQSh-ta ǵana bolǵan. Bertin kele, ol shara álem boiynsha taralyp ketti.
Bul kúnniń tarihy 1988 jylǵy 11 qazannan bastaý alady. Sol kezde Vashingtonnyń kóshelerine 500 myńnan astam demonstrant shyǵyp, lesbiiandar men geilerdiń teńdigin talap etti. Osy jyly kaming aýttyń ulttyq kúni bekitilgen.
Kaming-aýt (coming out. – aǵylshynsha) "ashyq kórsetý", "shyǵý" degen maǵynany bildirdi. Ol sóz "Soming out of the closet" degen tirkesten bastaý alady. Aýdarmasy - "shkaftan shyǵý". LGBT ókilderi, kóp jaǵdaida, osy "shkaftan" shyǵýǵa qorqady.
