TýrStat saraptamalyq agenttigi TMD elderi astanasyndaǵy 2020-ǵa arnalǵan eń biik jańa jyldyq bas shyrshalardyń reitingin usyndy, dep habarlaidy "Ult aqparat".
Reiting TMD elderi astanasyndaǵy jańa jyldyq bas shyrshalardyń biiktigin zertteý nátijeleri boiynsha quryldy.
TMD elderindegi eń biik jańa jyldyq shyrshalardyń alǵashqy ondyǵyna Ashhabad (40 metr), Erevan (37 m), Tashkent (36 m), Baký (34 m), Minsk (30 m), Dýshanbe (29 m), Máskeý (27 m), Bishkek (27 m), Nur-Sultan (25 m) jáne Kishinev (20 m) qalalaryndaǵy shyrshalar endi.
Qazaqstannyń bas shyrshasy Nur-Sultan qalasynda EKSPO-2017 aýmaǵynda ornatylǵan. Biiktigi 25 metr bolatyn bas shyrsha 20 jeltoqsan kúni saltanatty túrde jaǵylǵan bolatyn.
Almatynyń bas shyrshasynyń biiktigi – 20 metr. Onyń shamdary 19 jeltoqsan kúni «Astana» alańynda jaǵyldy.
Aita keteiik, Máskeýdegi Kreml janyndaǵy alańda 27 metrlik Reseidiń bas shyrshasy – TMD elderi astanasyndaǵy jańajyldyq bas shyrshalardyń arasyndaǵy «tiri» shyrsha
Sondai-aq, QR Ekologiia, geologiia jáne tabiǵi resýrstary ministrligi qazaqstandyqtardy «tiri» shyrshadan bas tartýǵa shyqyryp, «Eko-shyrsha» chellendjin joldady.
Eske sala keteiik, aktsiia aiasynda Nur-Sultan qalasynda 250 plastik bótelkeden jasalǵan shyrsha jasaldy. Jasandy shyrsha balalar men ekobelsendilerdiń óz qoldarynan jasaǵan oiynshyqtarymen bezendirildi.
