Elordanyń barlyq aýdanynda Belsendi uzaq ómir ortalyqtary ashylady. Bul týraly Nur-Sultan qalasy ákiminiń orynbasary Baqtiiar Máken aitty, dep habarlaidy "Ult aqparat" .
«Elordanyń áleýmettik mańyzdy máselelerin sheshýde jergilikti atqarýshy organdar men azamattyq qoǵam ókilderi arasyndaǵy áriptestikke artylar senim zor. Ótken jyldary Nur-Sultan qalasynda azamattyq qoǵamdyq qoldaý, onyń áleýetin nyǵaitý, sondai-aq mańyzdy máselelerdi sheshý isine azamattyq qoǵam ókilderin jumyldyrý maqsatynda áleýmettik áriptes retinde birqatar irgeli jumys júrgizdik. Áleýmettik saiasat basymdyǵy qalyptasty. Astana adaldyq alańy, Nur-Sultan qalasynyń azamattyq bastamalar ortalyǵy, «Januia» qoldaý institýty, aǵa býynmen sabaqtastyqty nyǵaitý jáne tálimgerlikti damytý baǵytynda Belsendi uzaq ómir ortalyǵy ashyldy. Jaqynda ǵana ashtyq», - dedi ol «Táýelsizdiktiń 30 jyldyǵyn ótkizýdegi azamattyq sektordyń róli» taqyrybynda ótken kezdesý barysynda.
Onyń aitýynsha, Belsendi uzaq ómir ortalyǵyn qurý týraly usynysty aǵa býyn ókilderi bergen. Olar úilerinde bos otyrmai, sol jerde áńgime-dúken quryp, shahmat oinap, sportpen de ainalysa alady. Bul bastama ǵana. Aldaǵy ýaqytta qalanyń ár aýdanynda osyndai ortalyqtar ashylady.
«Nur-Sultan qalasynyń ákimdigi memlekettik áleýmettik tapsyrystardy uzaqmerzimdi qarjylandyrýdy 8 jobaǵa jetkizdi. Osy 10 jyl buryn elordada úkimettiń emes uiymdardyń sany 2 500 bolsa, qazir 12 paiyzǵa artyp, 2 900-ge jetti. 2018 jylmen salystyrǵanda azamattyq qoǵam institýttarynyń belsendiligi 3 ese artty», - dedi Baqtiiar Máken.
