Elordany gazben qamtý úshin 9 iske qosý keshenin ornatý qajet. Bul jobany júzege asyrý úshin 11 merdiger jyl basynan beri sottasyp jatyr, dep habarlaidy QazAqparat.
Qalalyq ákimdikte ótken brifingte Nur-Sultan qalasynyń otyn-energetikalyq keshen jáne kommýnaldyq sharýashylyq basqarmasynyń basshysy Erbol Tóleýov osyndai málimet aitty.
«Elordany gazdandyrý jumysy úsh kezeńge bólingen. Qazir birinshi kezeńge belgilengen jumystar júrip jatyr. Oǵan qalanyń ishinde 9 iske qosý keshenin salý jobasy da kiredi. Al «QazMunaiGaz» kompaniiasy Qyzylordadan uzyndyǵy 1200 shaqyrym bolatyn qubyr tartyp jatyr. Olar qubyrdy elordaǵa deiin jetkizip beredi. Ishki jelilerdi biz salýymyz qajet. Osy jeli tartý isi boiynsha bir problema bar. Qańtar aiynan beri merdiger uiymdy anyqtaý múmkin bolmai otyr. Barlyq qujattaryn memlekettik saraptamadan ótkizip, memlekettik satyp alý boiynsha konkýrs jariialaǵanbyz. Bul jobany iske asyrýǵa 11 kompaniia nietti. Qazir solar ózara sottasyp jatyr. Konkýrstyń nátijesimen kelispei, qaita-qaita sottasýda. Osynyń kesirinen joba kesheýildep jatyr. Kesteden jarty jylǵa keshigip kelemiz deýge bolady», - degen basqarma basshysy jyl aiaǵyna deiin Kóktal aýdanynda kógildir otyn beriledi degen málimet aitty.
«Jalpy gazdardyrý jumysy 2019-2021 jyldarǵa mejelengen. Degenmen, jyl aiaǵyna deiin Kóktal aýdanynda kógildir otyn beriledi degen jospar bar», - dedi ol.
