Elorda dámhanalarynyń birinde túngi ýaqytta daiashy bolyp jumys istep júrgen jasóspirim anyqtaldy, dep habarlaidy "Ult aqparat".
«Politsiia qyzmetkerleri saǵat 23.00-den keiin «Palaý ortalyǵy« dámhanasyn tekserý barysynda túngi ýaqytta jumys istep júrgen kámelettik jasqa tolmaǵan jasóspirimdi anyqtady. Dámhana ákimshisinen jáne jasóspirimniń ózinen suraý barysynda onyń bir aidan beri jumys istep júrgendigi anyqtaldy. Jasóspirim úiden tysqary jerde zańdy ókilderinsiz júrgeni úshin ata-anasy ákimshilik jaýapkershilikke tartyldy», - dep atap ótedi Nur-Sultan qalalyq Politsiia departamentinen.
Sonymen qatar QR Ákimshilik quqyq buzýshylyq týraly kodeksiniń 132-babyna sáikes, dámhana iesi túngi ýaqytta kóńil kóterý ornyna kámelettik jasqa tolmaǵan jasóspirimdi jibergeni úshin 15 AEK kóleminde ákimshilik jaýapqa tartyldy. Buǵan qosa, jasóspirim ýaqyt normasynan artyq jumys istep júrgen.
Jalpy, reid barysynda politseiler bazarlarda azyq-túlik taýarlaryn satýmen ainalysqan jáne karantin jaǵdaiynda saǵat 08.00-den 16.00-ge deiingi aralyqta qoǵamdyq orynda bolǵan 10-nan astam kámeletke tolmaǵan jasóspirimdi anyqtady. Politsiia qyzmetkerleri barlyq fakti boiynsha balalardyń aty-jónin anyqtap, ata-analarymen túsindirý jumystaryn júrgizgen.
