Birikken Arab Ámirlikteriniń astanasy Abý-Dabide djiý-djitsýdan álem chempionaty ótýde. Týrnirge álemniń 62 elinen 1500 sportshy qatysyp jatyr, dep habarlaidy Nur-Sultan ákimdiginiń resmi saity.
Álem birinshiliginde Nur-Sultan qalasynyń sportshysy Zańǵar Abzal jasóspirimder arasynda chempion atandy. 55 kg salmaq dárejesinde ol jekpe-jek bóliminde tórt kezdesý ótkizip, birde-bir qarsylasynan utylǵan joq. Úsh kezdesýin merziminen buryn utty. Finalda Zańgar belgiialyq Emen Storebbidi upai boiynsha jeńdi. Buǵan deiin ol 2019 jyly Gretsiiada ótken álem birinshiliginde nevaza bóliminde birinshi oryn alǵan bolatyn. Osylaisha, Zańgar djiý-djitsýdan eki dúrkin álem chempiony atandy.
Elordalyq sportshynyń jeke jattyqtyrýshysy Aslan Ospanov óz shákirtiniń jeńiske degen erik-jigerin erekshe atap ótti
«Zańǵar mende 9 jastan bastap jattyǵady. «Eger siz jaqsy shákirt bolýǵa daiyn bolmasańyz, jaqsy jattyqtyrýshy izdemeńiz» degen sóz onyń jattyǵýǵa degen yntasyn tolyqtai sipattai alady. Zańǵar maǵan basqa sportshylardy jattyqtyrý kezinde kómektesedi jáne olar úshin úlgi alýǵa laiyq sportshy. Bizdiń maqsatymyz ári qarai da Qazaqstannyń Týyn álemniń eń iri arenalarynda kóterý, elimizdiń atyn shyǵarý, ózgelerge úlgi bolý, salaýatty ómir saltyn jáne básekelestik rýhyn nasihattaý», - dedi ol óz sózinde.
BAÁ-de djiý-djitsýdan álem chempionaty 11 qarashaǵa deiin jalǵasady.
