foto: Baq.kz
Elordalyq jankúierler men BAQ ókilderi álemdik deńgeidegi Ýimbldon týrniriniń jeńimpazy Elena Rybakinany gúl shoǵymen, ásem ánmen jáne ystyq yqylaspen qarsy aldy.
Áýejaiǵa kelgen jurttyń arasynda Premer-Ministrdiń orynbasary Eraly Toǵjanov pen Olimpiada chempiony, boksshy Serik Sapiev te boldy.
Nur-Sultanda sportshyny birqatar kezdesý kútip tur.
"Erteń saǵat 15:00 Ritz-Karltonda barlyq mańyzdy suraqtaryńyzǵa jaýap beremin. Kelgenderińizge kóp rahmet!" - dep qysqa qaiyrdy tennisshi.
Eske salaiyq, kúni keshe Qazaqstannyń birinshi, álemniń 23-raketkasy Elena Rybakina Londonda ótken Ýimbldon týrniriniń chempiony atanǵan.
Ol finalda álemniń 2-raketkasy, týnistik Ons Jabermen oinap, jeńiske jetken. 1 saǵatqa sozylǵan kezdesýde jerlesimiz úsh sette 3:6, 6:2, 6:2 esebimen basym tústi.
Rybakinany tarihi jeńisimen alǵashqylardyń biri bolyp Memleket basshysy Qasym-Jomart Toqaev quttyqtady.
