Nur-Sultan qalasynyń qýyrshaq teatry 19 naýryzdan bastap qashyqtan jumys istei bastady, dep habarlaidy "Ult aqparat" elorda ákimdiginiń resmi saityna silteme jasap.
Qalalyq qýyrshaq teatrynyń ártisteri kópshilik qoiylymdardy onlain túrde ótkizip jatyr. Teatr qyzmetkerleriniń jumys ýaqyty kúndizgi saǵat 14:00-de bastalyp, keshki saǵat 22:00-de aiaqtalady.
«Biz saǵat ekiden bastap sahnalyq qoiylymdardy beinetaspaǵa túsirip, ony Instagram, Facebook jelilerine júkteimiz. 14:30-da akterlik sheberlikke arnalǵan video sabaq, 15:00-de tikelei efir uiymdastyrylady. Tikelei efirge tek bizdiń ártister ǵana emes, ózge de teatrlardaǵy áriptesterimiz, sýretshiler, belgili balalar psihologtary shyǵady», - deidi Nur-Sultan qalasy qýyrshaq teatrynyń uiymdastyrý bólimi meńgerýshisi Meiirim Arǵymbaeva.
Onyń aitýynsha, YouTube arnasy arqyly qazaq, orys tilderinde bes qoiylym tamashalaýǵa bolady. 21 naýryz ben 18 sáýir aralyǵynda akterlik sheberlik pen sahnalyq qozǵalys boiynsha 21 master-klass ótken. 15 aýdio ertegi jazylyp, sýretshi, psiholog, ártisterdiń qatysýymen 20 tikelei efir uiymdastyrylǵan. Belgili bolǵandai, qashyqtaǵy jumys kezinde qoiylymdar men efirlerdi 19 350 adam tamashalaǵan.
Aita ketsek, Nur-Sultan qalalyq qýyrshaq teatry 2010 jyly ashyldy. Teatr ujymy alǵashqy kúnderden bastap jas kórermenderdi qyzyqty qoiylymdarymen qýantyp keledi. Onyń repertýarynda jas urpaqty otansúigishtikke, adamgershilikke tárbielep, til men mádenietti, dástúrli qundylyqtardy qurmetteýge baǵyttalǵan 28 qoiylym bar. Teatr qurylǵannan beri kórermen nazaryna 28 premera usynylǵan.
