Elordalyq kásipker zaýyt salý úshin jalǵa jer alyp, ony satyp jibergen, dep habarlaidy "Ult aqparat".
«N.» JShS direktory elordaǵa jaqyn mańda zaýyt salý úshin 5 jyl merzimge 1,5 gektarlyq jerdi paidalanýǵa alǵan. Osydan keiin sottalýshy jalǵa alǵan jerdiń maqsatty túrde paidalanýy kerektigin bile tura, Olx.kz saityna 2 mln teńgege 10 sotyq jer satatynyn jazyp, habarlandyrý bergen», - dep málem etti Nur-Sultan qalalyq sotynyń baspasóz qyzmetinen.
Osylaisha, bólinýge jatpaityn jer ýchaskesinde turǵyn úi salýǵa bolmaitynyn bile tura, eki azamatpen satý-satyp alý týraly aldyn ala kelisimshart jasasyp, olardyń aqshasyna ie bolǵan. Materialdyq shyǵyn 7 200 000 teńge bolǵany habarlanyp otyr.
«Almaty aýdandyq №2 sotyny úkimimen «N.» JShS direktory alaiaqtyǵy úshin kináli dep tanylyp, 5 jylǵa bas bostandyǵynan aiyryldy. Sonymen birge, ol materialdyq jaýapkershiligi bar laýazymdardy ielený quqyǵynan 5 jyl merzimge shekteldi. Azamattyq aryz qanaǵattandyrylyp, sottalýshydan 7 200 000 teńge óndirilip alyndy. Úkim zańdy kúshine endi», - dedi qalalyq sottan.
