ەلوردالىق كەسٸپكەر زاۋىت سالۋعا جەردٸ جالعا الىپ, ساتىپ جٸبەرگەن

ەلوردالىق كەسٸپكەر زاۋىت سالۋ ٷشٸن جالعا جەر الىپ, ونى ساتىپ جٸبەرگەن, دەپ حابارلايدى "ۇلت اقپارات".

«ن.» جشس ديرەكتورى ەلورداعا جاقىن ماڭدا زاۋىت سالۋ ٷشٸن 5 جىل مەرزٸمگە 1,5 گەكتارلىق جەردٸ پايدالانۋعا العان. وسىدان كەيٸن سوتتالۋشى جالعا العان جەردٸڭ ماقساتتى تٷردە پايدالانۋى كەرەكتٸگٸن بٸلە تۇرا, Olx.kz سايتىنا 2 ملن تەڭگەگە 10 سوتىق جەر ساتاتىنىن جازىپ, حابارلاندىرۋ بەرگەن», - دەپ مەلەم ەتتٸ نۇر-سۇلتان قالالىق سوتىنىڭ باسپاسٶز قىزمەتٸنەن.

وسىلايشا, بٶلٸنۋگە جاتپايتىن جەر ۋچاسكەسٸندە تۇرعىن ٷي سالۋعا بولمايتىنىن بٸلە تۇرا, ەكٸ ازاماتپەن ساتۋ-ساتىپ الۋ تۋرالى الدىن الا كەلٸسٸمشارت جاساسىپ, ولاردىڭ اقشاسىنا يە بولعان. ماتەريالدىق شىعىن 7 200 000 تەڭگە بولعانى حابارلانىپ وتىر.

«الماتى اۋداندىق №2 سوتىنى ٷكٸمٸمەن «ن.» جشس ديرەكتورى الاياقتىعى ٷشٸن كٸنەلٸ دەپ تانىلىپ, 5 جىلعا باس بوستاندىعىنان ايىرىلدى. سونىمەن بٸرگە, ول ماتەريالدىق جاۋاپكەرشٸلٸگٸ بار لاۋازىمداردى يەلەنۋ قۇقىعىنان 5 جىل مەرزٸمگە شەكتەلدٸ. ازاماتتىق ارىز قاناعاتتاندىرىلىپ, سوتتالۋشىدان 7 200 000 تەڭگە ٶندٸرٸلٸپ الىندى. ٷكٸم زاڭدى كٷشٸنە ەندٸ», - دەدٸ قالالىق سوتتان.