Elordalyq dárigerler koronavirýs infektsiiasyna bailanysty karantinge jatqyzylǵan azamattardyń jaǵdaiy týraly aityp berdi, dep habarlaidy QazAqparat.
Nur-Sultan qalasynyń Kópbeiindi meditsinalyq ortalyǵynyń infektsionist dárigeri Sáýle Atyǵaeva jumys kúni saǵat tańǵy jeti jarymda bastalyp, túnniń bir ýaǵyna deiin jalǵasatynyn aitady. Álbette túngi aýysym da bar. Jumys kún saiyn josparlanady.
Dárigerler patsientterdiń temperatýrasy men jaǵdaiyn únemi tekserip otyrady. Densaýlyq jaǵdaiy jaqsy azamattar bosatylady. Naýqastarǵa barar aldynda dárigerler qajetti qorǵanys kiimderin kiip, barlyq qaýipsizdik sharalaryn qabyldaidy. Beinejazbada ár bólimde qajetti qural-jabdyqtardyń bary kórinip tur. Atap aitqanda, aýany zalalsyzdandyrýǵa arnalǵan retsirkýliatorlar, jeldetý júiesi jumys isteidi.
«Bizdiń barlyq palata birkisilik. Intensivti terapiia bóliminde naýqastar joq. Búgin biz naýqastardy qabyldaýǵa daiynbyz. Eki oryndy bólme, naýqastyń jaǵdaiyn baqylaýǵa múmkindik beretin tósek janynda monitorlar, defibrilliator, ottegi jetkizgish bar. Iaǵni, eger ókpesi qabynǵan adam nemese tynys alý jetkiliksizdigi bar aýyr naýqas kelse, onda bizdiń reanimatolog oǵan kómek kórsete alady», - deidi Sáýle Atyǵaeva.
Aýrýhanada sonymeen qatar elektrokardiogramma bólmesi, ǵimarattan shyqqan kezde antiseptik bar.
Dárigerlerdiń aitýy boiynsha, patsientterdi tamaqtandyrý jaǵynan másele joq. Mysaly búgingi mázirde patsientterge jańa pisken kókónisterden jasalǵan salattar, kúrish jáne kespe sorpasy, pisirilgen balyq qosylǵan kartop piýresi berilgen.
