Astanalyq politseiler áielderdi aldap aqshalaryn iemdenip, attaryna nesie rásimdeýge kóndirgen alaiaqty ustady, dep habarlaidy Nur-Sultan qalalyq PD baspasóz qyzmetine silteme jasap.
4 derek boiynsha kúdikti retinde ustalǵan er adam áielderdiń senimine kirip, olardan qomaqty aqsha, mashinalaryn ielengen. Sonymen qatar áielderdi «biznesine» kómek surap, aliaqtyq jolmen olarǵa nesie aldyrǵan.
«Politsiia departamentiniń qyzmetkerleri jedel-izdestirý sharalaryn júrgizý barysynda elordada áielderdi aldap birqatar alaiaqtyq jasaǵan 34 jasar T. degen azamatty Almaty qalasynda qolǵa túsirdi. Ol bir jábirlenýshini aldap, alty million teńgesin jymqyrǵan. Onymen qoimai birneshe áielmen kóńil jarastyryp, tipti birge de turǵan», delingen habarlamada.
Qazirgi ýaqytta er adam Almaty qalasynyń Tergeý izoliatoryna qamaldy, tergeý is-sharalary júrgizilgennen soń elordaǵa etappen jetkiziledi.
Sonymen qatar, kúdikti byltyr avtokólikten urlyq jasap, quny 360 myń turatyn altyn bilezikti qoldy qylǵan.
Qazir tergeý júrgizilýde. Kúdiktiniń basqa da qylmysqa qatysy bar ekendigi tekserilýde. Osyǵan bailanysty elordanyń Politsiia departamenti ustalǵan azamattyń qylmystyq áreketinen zardap shekkender bolsa astanalyq politsiia departamentine aryzdanýdy nemese myna telefondarǵa: 8(7172)71-60-22, 71-63-29; 102 habarlasýyn suraidy.
