استانالىق پوليتسەيلەر ەيەلدەردٸ الداپ اقشالارىن يەمدەنٸپ, اتتارىنا نەسيە رەسٸمدەۋگە كٶندٸرگەن الاياقتى ۇستادى, دەپ حابارلايدى نۇر-سۇلتان قالالىق پد باسپاسٶز قىزمەتٸنە سٸلتەمە جاساپ.
4 دەرەك بويىنشا كٷدٸكتٸ رەتٸندە ۇستالعان ەر ادام ەيەلدەردٸڭ سەنٸمٸنە كٸرٸپ, ولاردان قوماقتى اقشا, ماشينالارىن يەلەنگەن. سونىمەن قاتار ەيەلدەردٸ «بيزنەسٸنە» كٶمەك سۇراپ, الياقتىق جولمەن ولارعا نەسيە الدىرعان.
«پوليتسييا دەپارتامەنتٸنٸڭ قىزمەتكەرلەرٸ جەدەل-ٸزدەستٸرۋ شارالارىن جٷرگٸزۋ بارىسىندا ەلوردادا ەيەلدەردٸ الداپ بٸرقاتار الاياقتىق جاساعان 34 جاسار ت. دەگەن ازاماتتى الماتى قالاسىندا قولعا تٷسٸردٸ. ول بٸر جەبٸرلەنۋشٸنٸ الداپ, التى ميلليون تەڭگەسٸن جىمقىرعان. ونىمەن قويماي بٸرنەشە ەيەلمەن كٶڭٸل جاراستىرىپ, تٸپتٸ بٸرگە دە تۇرعان», دەلٸنگەن حابارلامادا.
قازٸرگٸ ۋاقىتتا ەر ادام الماتى قالاسىنىڭ تەرگەۋ يزولياتورىنا قامالدى, تەرگەۋ ٸس-شارالارى جٷرگٸزٸلگەننەن سوڭ ەلورداعا ەتاپپەن جەتكٸزٸلەدٸ.
سونىمەن قاتار, كٷدٸكتٸ بىلتىر اۆتوكٶلٸكتەن ۇرلىق جاساپ, قۇنى 360 مىڭ تۇراتىن التىن بٸلەزٸكتٸ قولدى قىلعان.
قازٸر تەرگەۋ جٷرگٸزٸلۋدە. كٷدٸكتٸنٸڭ باسقا دا قىلمىسقا قاتىسى بار ەكەندٸگٸ تەكسەرٸلۋدە. وسىعان بايلانىستى ەلوردانىڭ پوليتسييا دەپارتامەنتٸ ۇستالعان ازاماتتىڭ قىلمىستىق ەرەكەتٸنەن زارداپ شەككەندەر بولسا استانالىق پوليتسييا دەپارتامەنتٸنە ارىزدانۋدى نەمەسە مىنا تەلەفوندارعا: 8(7172)71-60-22, 71-63-29; 102 حابارلاسۋىن سۇرايدى.
