Nur-Sultan qalasynyń qoǵamdyq densaýlyq saqtaý basqarmasynyń basshysy Sáýle Qisyqova elordada koronavirýs juqtyrǵandardyń jaǵdaiy týraly aitty, dep habarlaidy QazAqparat.
«Osy ýaqytta elorda boiynsha 25 adamda koronavirýs anyqtaldy. 18 adam infektsiialyq statsionarda jatyr. Dene temperatýralary qalypty shamada. Shaǵymdary joq. Barlyq naýqas dárigerlerdiń qatań qadaǵalaýynda. Búkil meditsinalyq kómek kórsetilip jatyr», - dedi ol tikelei efirde ótken baspasóz máslihatynda.
Basqarma basshysy 17 naýryzda jańa 15 jaǵdai tirkelgenin aitty.
«Jalpy juqtyrǵandardyń 74 paiyzy nemese 14-iniń jasy – 30-49 jas aralyǵynda. Eki jaǵdaida jas aralyǵy 50-59. Bir jaǵdaida 18-20 jas aralyǵy. Taǵy biriniń jasy 14-te. Osylardyń beseýi qalalyq statsionarynda bolǵan. Tórteýi Italiia jáne Ońtústik Koreia elderiniń reisterimen kelgen. Qazirgi ýaqytta olardyń jaǵdaiy jaqsy. Bir patsient infektsiialyq blokta ótkir JRVI-diń aýyrlyǵy ortasha deńgeide jatqan. Diagnostika barysynda odan da koronavirýs anyqtaldy. Qazir jaǵdaiy qanaǵattanarlyq», - dedi ol.
Sáýle Qisyqova qalǵan 11 adam monitoring barysynda anyqtalǵanyn jetkizdi. Keibiri epidemiologiialyq jaǵdaiy turaqsyz elderden kelse, keibiri buryn juqtyrǵandarmen bailanysta bolǵan. Olardyń da jaǵdaiy jaqsy.
