Elordanyń sot oryndaýshylary eki balany ákesinen anasyna tapsyrýǵa qatysty iste kúrdeli jaǵdaiǵa tap boldy, dep habarlaidy "Ult aqparat".
Belgili bolǵandai, bir jyldan astam ýaqyt boiy áiel adam burynǵy kúieýinen 10 jáne 11 jastaǵy eki balasyn qaitarýǵa qaýqarsyz eken. Atalǵan áiel balalaryn ózi tárbielegisi keledi, alaida burynǵy kúieýi balalaryn analaryna berýden jaltarýda.
«Sońǵy úsh jyl boiy balalar ákesimen birge turǵan. Alaida sottyń sońǵy sheshimi boiynsha jetkinshekterdiń turǵylyqty jeri ózgertilip, endi olar anasymen birge turýy kerek bolatyn. Balalardyń ákesi bul sheshimmen kelispei, bir páterden ekinshisine kóshý arqyly sot oryndaýshylarynan barynsha jasyrynyp júrdi. Qazirgi kezde er adam izdeýde emes, óitkeni psihologtyń baǵalaýy arqyly olardyń barlyǵymen kelissóz júrgizilýde. Psihologtyń paiymynsha, balalarǵa únemi qysym jasalyp keledi», - dedi Nur-Sultan qalasy óńirlik jeke sot oryndaýshylarynyń palatasy jetekshisiniń orynbasary Mádina Janasaeva.
Búgin sot oryndaýshylary kezekti ret balalardy anasyna tapsyrýǵa talpynyp kórdi, alaida bul áreketteri sátsiz boldy.
