Nur-Sultan qalasy qoǵamdyq kólik ishinde zararsyzdandyrý jumystary bastaldy, dep habarlaidy "Ult aqparat" CTS kompaniiasy baspasóz qyzmetine silteme jasap.
13 naýryzdan bastap №1 Avtobýs parkinde jyljymaly quramdy zararsyzdandyrý jumystary júrgiziledi. Avtopark 70 baǵdar boiynsha qyzmet kórsetedi, onyń ishinde 40 qalalyq, 6 ekspress jáne qala mańyna qatynaityn 24 baǵdar bar. Jalpy avtobýs sany - 661.
«Búginnen bastap júrgizýshiler sońǵy aialdamalarda kúnine eki ret avtobýstardyń ishin, iaǵni adam qoly tiietin jerlerdi: shyntaqshalardy, esik tutqalaryn, oryndyqtar men validatorlardy dezinfektsiialaidy. Tabletkalar «S-01» dep atalady. Ónim Qazaqstanda jasalǵan. Bul dezinfektsiialyq eritindi allergiia týdyrmaidy jáne eshqandai iis shyǵarmaidy» delingen habarlamada.
Aýysym aiaqtalǵannan keiin baǵdarlar jýý ornyna kiredi, onda barlyǵyn kólik jýýshylar tazartady.
Búginde elorda qoǵamdyq kóligine 6 avtobýs parki qyzmet kórsetedi. Baǵdarlyq jeli 93 marshrýttan turady, onyń ishinde 63 qalalyq, 6 ekpress jáne qala mańyna qatynaityn 24 baǵdar bar. Kún saiyn 800-ge jýyq avtobýs liniiaǵa shyǵady. Qazirgi ýaqytta barlyq baǵdarlar bekitilgen kestege sáikes qatynaidy.
Avtobýstardy sońǵy aialdamada dezinfektsiialyq eritindilermen zararsyzdandyrý úshin CTS kompaniiasy elordanyń barlyq avtobýs parkterine hattar joldady.
