Reseilik «Spýtnik- V» vaktsinasynyń 2 030 ekinshi komponenti elordanyń Densaýlyq saqtaý basqarmasyn qoimasyna jetkizildi, dep habarlaidy "Ult aqparat".
Atalǵan basqarma baspasóz qyzmetiniń málimetinshe, eki komponenttiń syrtqy beinesi tús aiyrmashylyǵymen erekshelendi. Birinshisi - kók, al ekinshi komponent qyzyl tústi. Bir flakon 5 adamǵa ekpe saldyrýǵa arnalǵan.
Kelip túsken jańa dozalar birinshi kezeńde vaktsinatsiialaý úshin belgilengen qalalyq emhanalarǵa tapsyryldy. Bul dozalarmen aýrýhanalardyń meditsinalyq qyzmetkerlerin, jedel-járdem brigadalardyń feldsherlerin, súzgi kabinettiń qyzmetkerlerin jáne basqalardy vaktsinatsiialaý jalǵasady.
21 kúnnen keiin tiisti ekinshi ekpesin Qoǵamdyq densaýlyq saqtaý basqarmasynyń basshysy Timýr Muratov ta aldy. Emshara bólmesiniń qyzmetkerleri Muratovtyń hálin suraǵan kezde, densaýlyq jaǵdaiynyń syr bermegenin jetkizdi.
«Kishkene álsizdik baiqaldy. Biraq vaktsinadan keiingi múmkin bolatyn áserlerden habardar edim. Koronavirýs juqtyryp, aýyryp qalý qorqynysh sezimi oǵan qarsy ekpe alýdan álde qaida joǵary» ,- dedi Timýr Muratov.
Jalpy elorda boiynsha vaktsinatsiialaý bastalǵaly beri 2008 adam ekpe aldy. Jospar - 5 700 adamǵa ekpe saldyrtý.
