22-25 naýryz kúnderi Nur-Sultan qalasynyń halyqaralyq áýejaiyna 1483 jolaýshy keldi jáne 3 adamnan koronavirýs infektsiiasy tabyldy, dep habarlaidy QazAqparat.
Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qisyqova aityp berdi, dep habarlaidy QazAqparat.
«Nur-Sultan qalasyna tótenshe jaǵdai rejiminiń engizilýine bailanysty, elordanyń halyqaralyq áýejaiyna kelgen barlyq jolaýshyny oqshaýlaý uiǵaryldy. Osy jumys aiasynda biz 22-25 naýryz aralyǵynda halyqaralyq áýejaiǵa kelgen 18 reistiń 1483 jolaýshysyn oqshaýlardyq», - dedi basqarma basshysy «Habar 24» telearnasynda ótken brifingte.
Olardyń barlyǵyna biomaterial alý jolymen zerthanalyq tekserý júrgizilgen
«Bul jolaýshylar arasynda 3 adamnan koronavirýs infektsiiasy tabyldy. Olardy aýrýhanaǵa jatqyzý, em taǵaiyndaý jáne jaqyn bailanysqan adamdar tobyn anyqtaý jumystary júrgizildi», - dedi S. Qisyqova.
Aita keteiik, Qazaqstan Respýblikasy aýmaǵynda koronavirýs infektsiiasyn juqtyrǵan jalpy 109 naýqas tirkeldi.
Nur-Sultan qalasynda 61 adamda koronovirýs infektsiiasy anyqtaldy. Almaty qalasynda - 40 adam, Shymkent qalasynda – 2 adam, Qaraǵandy qalasynda - 2, Almaty, Aqtóbe, Jambyl, Soltústik Qazaqstan oblystarynda – 1 adamnan tirkelgen.
Buǵan deiin basqarma basshysy Nur-Sultanda tórt naýqastyń jaǵdaiy aýyr ekenin málimdegen bolatyn.
