- Búgin QR Parlamenti palatalarynyń birlesken otyrysynda «Táýelsizdiktiń 25 jyldyǵy Qazaqstan jetistikteriniń deklaratsiiasy» qabyldanǵannan keiin Májilis depýtaty Bekbolat Tileýhan jýrnalisterge bergen suhbatynda Astana qalasyna QR Prezidentiniń esimin berý óte ádil usynys ekendigin aityp ótti, dep habarlaidy QazAqparat.
«Jalpy bul birinshi ret usynylyp otyrǵan joq. Osy máseleni kezinde Parlament depýtaty Sát Toqpaqbaevtyń (avtor - 2008 jyly Elbasynyń atymen ataýdy usynǵan) tarapynan kóterilgen bolatyn. Shirek ǵasyrlyq merekeniń qarsańynda bul bastamany jeke óz basym qoldaimyn. Nege deseńiz, bul tarihta bar jaǵdai. Memleketti qurǵan adamnyń esimimen qalany ataý tájiribesi bar. Máselen, Vashington qalasy barshaǵa málim. Nursultan atyndaǵy qalanyń bolǵany Táýelsizdiktiń simvoly ispettes. Táýelsiz Qazaqstan men Nazarbaevtyń aty sinonimder siiaqty. Meni jaǵyndy nemese basqa dep túsinseńizder, ózderińiz bilińizder, biraq tarihi kózqaraspen jáne egemendi eldiń azamaty retinde, muny óte bir ádil usynys dep oilaimyn», - dedi depýtat.
Budan buryn habarlanǵandai, búgin QR Parlamenti palatalarynyń birlesken otyrysynda «Táýelsizdiktiń 25 jyldyǵy Qazaqstan jetistikteriniń deklaratsiiasy» qabyldanyp, onda Elbasynyń esimin elordanyń jáne elimizdiń basqa da nysandarynda kórsetý usynylǵan edi.
