Elordada nan baǵasy 95 myń teńgeden kóterilýmeýi tiis. Bul týraly Ortalyq kommýnikatsiialar qyzmetindegi brifingide Nur-Sultan qalalyq investitsiialar jáne kásipkerlikti damytý basqarmasynyń basshysy Erlan Bekmyrzaev aitty, dep habarlaidy "Ult aqparat"
«Búginde qalada 18 myń tonna azyq-túlik taýarynyń qory bar. Bul shamamen bir ailyq tutyný normasyn quraidy. Sonymen qatar bir óńirlermen jáne sharýa qojalyqtarmen azyq-túlik ónimderin qalaǵa tikelei jetkizýge ýaǵdalastyq. Kókónis túrlerine qatysty áleýmettik kásipkerlik korporatsiialarmen jáne jetkizýshilermen ýaǵdalastyq bar. Oǵan qosymsha 1 mlrd teńge bólingen. 1 qazanǵa deiin baǵa turaqty bolady. Ol shamamen 14 myń tonna kókónisti quraidy», - dedi ol.
Basqarma basshysynyń atap ótýinshe, ótken jyly elordaǵa 8 myń tonna un satyp alynǵan. Bul qala halqyn 1 jyl nanmen qamtamasyz etýge jetkilikti. Bul rette nan baǵasyn 95 teńgeden kóterilmeýi tiis.
«Azyq-túlik qalaǵa kedergisiz jetkizilip jatyr. Azyq-túlik tielgen júk, eń birinshi qajetti taýarlar tielgen kólikter úshin jasyl dáliz qamtamasyz etilgen. Blok beketterde taýardyń ilespe qujaty, baǵdar paraǵy, júrgizýshi men ekspeditordń densaýlyǵy tekseriletin bolady. Jetkizýshiler algoritmi mynadai – kólik qoimaǵa deiin baryp, júkti túsirgennen keiin birden shyǵyp ketedi. Baǵdardan qiys ketýge bolmaidy. Árbúr júk onlain rejimde qadaǵalanyp otyrady. Ol úshin Sergek kamerasymen yqpaldastyrylǵan «Blok bekeft» mobildi qosymshasy iske qosylǵan», - dedi basqarma basshysy.
