Elorda dárihanalaryna 100 myń meditsinalyq maska ákelinedi. Bul týraly búgin qala ákimdiginde Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Zeken Iskaov aitty, dep habarlaidy "Ult aqparat".
«Shymkentte óndirilgen meditsinalyq maskanyń alǵashqy partiiasy qala dárihanalarynda búgin bolady. Maskany jedel respiratorly virýstyq infektsiialar (JRVI) aýrýynyń belgisi bar adamdar ǵana kiiý kerek. Eń qarapaiym ári eń tiimdi qorǵanys tásili - qol jýý men jeke gigienany saqtaý», - dedi Zeken Isakov.
Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qisyqova jeke gigiena sharalaryna muqiiat kóńil bólý qajet ekenin aitty. Qoldy jii jýyp, jótel kezinde etiket erejelerin saqtap, antiseptikterdi paidalý kerek. Qol berip amandasýdan bas tartý qajet. Sonymen qatar ol úide kún saiyn ylǵaldy tazalaý júrgizip, jeldetip turý mańyzdylyǵyn aitty.
