Nur-Sultannan Mysyrǵa bet alǵan lainer mas áieldiń kesirinen Aqtaýǵa qonýǵa májbúr boldy, dep habarlaidy QazAqparat.
Nur-Sultan–Sharm-El-Sheih» baǵytyndaǵy áýe reisi 59 jastaǵy astana elordalyqtyń kesirinen orta jolda Aqtaýǵa qondy.
«Ol alkogoldik ishimdikti mólsherden tys iship, ushaq ishinde tártip buzdy. Saldarynan lainerdi Aqtaý áýejaiyna qondyrýǵa týra keldi. Quqyq buzýshy ózin agressivti ustady. Bortserikterdiń eskertýlerin elemegen» - deidi kóliktegi politsiia departamenti bastyǵynyń birinshi orynbasary Qalijan Qoblandin.
Onyń aitýynsha, buzaqy jolaýshynyń isin ári qarai politsiia qaraidy.
«Kólik politseileri 59 jastaǵy áieldiń ústinen Ákimshilik quqyq buzý týraly kodekstiń 440-babynyń 1-bóligi jáne 566-babynyń 1-bóligi boiynsha ákimshilik hattama toltyryldy. Jyl basynan beri kólik politseileri túrli ákimshilik quqyq buzý faktileri boiynsha 40 myńnan astam azamatty, onyń ishinde ishim ishkeni jáne qoǵamdyq oryndarǵa mas kúiinde kelgeni úshin 3 784 adamdy ákimshilik jaýapkershilikke tartty», – dep jazady kóliktegi politsiia departamentiniń baspasóz qyzmeti.
