Elordanyń kommýnaldyq qyzmetteri qar kúreý jumysyn keshki jáne túngi ýaqytta qarqyndy túrde júrgize otyryp, kúsheitilgen rejimde táýlik boiy jalǵastyrýda. 13 qańtarda qalada qar kúreý jumysyna 2 myńǵa jýyq jol jumysshy men 1100 arnaiy tehnika jumyldyryldy, dep habarlaidy Nur-Sultan ákimdiginiń resmi saity.
12 qańtardan 13 qańtarǵa qaraǵan túni ǵana qaladan 21 594 tekshe metr qar shyǵaryldy, bul shamamen 1,5 myń júk kóliginiń kólemine teń.
Aita ketý kerek, biylǵy qysqy kezeńde elordadan 1,8 million tekshe metrden astam qar shyǵaryldy, ol úshin qar poligondaryna shamamen 135 myń reis jasaldy.
Birinshi kezekte, ereje boiynsha, joldarda keptelis bolmaýy úshin qozǵalysy óte qarqyndy ýchaskeler tazartylady. Sondai-aq ortasha qarqyndy ýchaskeler – alańdar, vokzal mańyndaǵy aýmaqtar, trotýarlar, áleýmettik nysandarǵa kiretin joldar jáne t.b. qardan tazartylady.
