Elordalyq joǵarǵy oqý oryndarynyń stýdentteri úshin qaiyrymdylyq týraly dárister ótkiziledi, dep habarlaidy "Ult aqparat".
Ekonomist Oljas Qudaibergenov, belgili jýrnalist Bibigúl Jeksenbai, eriktiler qozǵalysynyń belsendisi Danara Saranova, «Bolashaq» korporativtik qorynyń direktory Azamat Bojakov jáne amerikandyq biznesmen jáne metsenat Devid Valera elordalyq joǵarǵy oqý oryndary stýdentterine arnalǵan dáristerge spiker retinde qatysady.
Dárister qazan aiynda ZOOM alańynda onlain formatta uiymdastyrylady, dep habarlady «Arnaý» Damý ortalyǵy» qoǵamdyq birlestiginiń baspasóz qyzmeti.
Spikerler qaiyrymdylyq kórsetýdiń jeke tájiribesi týraly aityp, elimizdegi qaiyrymdylyqty damytý perspektivalary týraly pikirlerimen bólisedi, salany damytýdyń negizgi trendterine sipattama beredi, sondai-aq Qazaqstanda metsenattyqty yntalandyrý úshin óz usynystaryn aitady.
AQSh/Qazaqstan Saýda keńesiniń prezidenti Devid Valera AQSh-ta qaiyrymdylyq jáne metsenattyq mádenietti tanymal etýdiń negizgi aspektilerin ashady, sondai-aq amerikanlyqtar arasynda qandai da bir áleýmettik jobalar keń qoldaý tabatyny týraly áńgimeleidi.
Barlyq dárister prezentatsiia túrinde kórneki materialdarmen súiemeldenedi.
«Stýdentterge jobany júzege asyrý barysy men qaiyrymdylyqpen ainalysýdyń áleýmettik mańyzy týraly arnaiy daiyndalǵan rolikter kórsetiledi. Sonymen qatar, qaiyrymdylyq týraly arnaiy saitta ornalastyrylǵan aqparattyq materialdarmen tanysý múmkindigi usynylady», – dep habarlady uiymdastyrýshylar.
Qatar dárister Qazaqstan Respýblikasy Aqparat jáne qoǵamdyq damý ministrliginiń qoldaýymen «Azamattyq bastamalardy qoldaý ortalyǵy» KEAQ granty aiasynda júzege asyrylatyn «Jastar men balalar arasynda qaiyrymdylyqty dáripteý» áleýmettik jobasy sheńberinde ótkiziledi.
