Elordadaǵy jármeńkege Qyzylorda men Aqtóbe oblystary 540 tonna azyq-túlik jetkizedi. Kelýshilerge qatań sanitarlyq-gigienalyq normalardy saqtaý qajet, dep habarlaidy ákimdiktiń resmi saity.
19 jáne 20 qyrkúiekte «Han-Shatyr» saýda oiyn-saýyq janyndaǵy alańda (Qonaev kóshesi men Turan dańǵylynyń qiylysy) Qyzylorda jáne Aqtóbe oblystary sharýalarynyń jármeńkesi ótedi. Olar naryqtan 10-15% tómen baǵamen 80-nen astam taýar túrin usynatyn bolady.
Barlyǵy 540 tonna ónimdi, onyń ishinde: 146 tonna kúrish, 129 tonna kartop pen kókónis, 62 tonna et, 30 tonna balyq ónimderi, 13 myń dana taýyq jumyrtqasy, 7 tonna shujyq ónimderi, 5 tonna un jáne makaron ónimderi, 5 tonna alkogolsiz sýsyndar jáne t. b. satý josparlanyp otyr.
Jármeńkege 90 otandyq óndirýshi qatysady («Ais» JShS, «Agrofirma Taý» JShS, «Novo-Aldjanskii melkombinat» JShS, «Ramazan» JShS, «Aqtóbe-nan» JShS, «Aibek» ÁKK shujyqtary men et delikatesteri, «Stepnoe» JShS, «Rokos» JShS, «Izet GrinHaýs» JShS jáne «Grinhaýs Qazaqstan» JShS jylyjai kókónisteri, «Mir krýp» tuzy, «Jańajol» kúrish, «Syr marjany», «Baiqońyr» Agroholdingi», «Naimir», «Baiqońyr» ÁKK).
«Kelýshiler qatań sanitarlyq-gigienalyq normalardy saqtaýy kerek. Maska taǵyp, antiseptik qoldanýdy umytpańyz»,-delingen habarlamada.
