Elordada 11-12 qyrkúiekte «Han Shatyr» saýda ortalyǵynyń janynda Almaty jáne Qyzylorda oblystary taýar óndirýshileriniń qatysýymen aýyl sharýashylyǵy jármeńkesi ótedi, dep habarlaidy "Ult aqparat" qala ákimdigine silteme jasap.
Jármeńke senbi jáne jeksenbi kúnderi saǵat 8:00-den 17:00-ge deiin isteidi.
Atalǵan óńirler 850 tonnadan astam ónim ákeledi. Et, sút, balyq, kókónis ónimderinen turatyn assortiment naryq qunynan arzan baǵada satylady.
Almaty oblysynyń atynan Taldyqorǵan, Qapshaǵai, Tekeli qalalarynyń, sondai-aq 17 aýdanynyń taýar óndirýshileri qatysady. Olar 54,1 tonna et ónimin, 26 tonna sút ónimin, 103,6 tonna kókónis ónimin, 3,8 tonna balyq ónimin, 45,3 tonna jemis-jidek, 39 tonna kartop jáne 237,5 tonna ózge de ónim (konditerlik ónimder, konserviler jáne t.b.) satady.
Qyzylorda oblysynyń aýyl sharýashylyǵy taýar óndirýshileri 140 tonna kúrish, 20 tonna balyq jáne balyq ónimderin, sondai-aq 150 tonna baqsha daqyldaryn, 40 tonna asqabaq, 40 tonna kókónis pen jemis, 3 tonna as tuzy, 5 tonna sút jáne konditerlik ónimder satady.
Esterińizge sala keteiik, jármeńkege barǵan kezde sanitarlyq normalar tolyqtai saqtalýy qajet – betperde taǵý, qoldy dezinfektsiialaý, áleýmettik qashyqtyq týraly umytpaý kerek.
