ەلوردادا 11-12 قىركٷيەكتە «حان شاتىر» ساۋدا ورتالىعىنىڭ جانىندا الماتى جەنە قىزىلوردا وبلىستارى تاۋار ٶندٸرۋشٸلەرٸنٸڭ قاتىسۋىمەن اۋىل شارۋاشىلىعى جەرمەڭكەسٸ ٶتەدٸ, دەپ حابارلايدى "ۇلت اقپارات" قالا ەكٸمدٸگٸنە سٸلتەمە جاساپ.
جەرمەڭكە سەنبٸ جەنە جەكسەنبٸ كٷندەرٸ ساعات 8:00-دەن 17:00-گە دەيٸن ٸستەيدٸ.
اتالعان ٶڭٸرلەر 850 توننادان استام ٶنٸم ەكەلەدٸ. ەت, سٷت, بالىق, كٶكٶنٸس ٶنٸمدەرٸنەن تۇراتىن اسسورتيمەنت نارىق قۇنىنان ارزان باعادا ساتىلادى.
الماتى وبلىسىنىڭ اتىنان تالدىقورعان, قاپشاعاي, تەكەلٸ قالالارىنىڭ, سونداي-اق 17 اۋدانىنىڭ تاۋار ٶندٸرۋشٸلەرٸ قاتىسادى. ولار 54,1 توننا ەت ٶنٸمٸن, 26 توننا سٷت ٶنٸمٸن, 103,6 توننا كٶكٶنٸس ٶنٸمٸن, 3,8 توننا بالىق ٶنٸمٸن, 45,3 توننا جەمٸس-جيدەك, 39 توننا كارتوپ جەنە 237,5 توننا ٶزگە دە ٶنٸم (كونديتەرلٸك ٶنٸمدەر, كونسەرۆٸلەر جەنە ت.ب.) ساتادى.
قىزىلوردا وبلىسىنىڭ اۋىل شارۋاشىلىعى تاۋار ٶندٸرۋشٸلەرٸ 140 توننا كٷرٸش, 20 توننا بالىق جەنە بالىق ٶنٸمدەرٸن, سونداي-اق 150 توننا باقشا داقىلدارىن, 40 توننا اسقاباق, 40 توننا كٶكٶنٸس پەن جەمٸس, 3 توننا اس تۇزى, 5 توننا سٷت جەنە كونديتەرلٸك ٶنٸمدەر ساتادى.
ەستەرٸڭٸزگە سالا كەتەيٸك, جەرمەڭكەگە بارعان كەزدە سانيتارلىق نورمالار تولىقتاي ساقتالۋى قاجەت – بەتپەردە تاعۋ, قولدى دەزينفەكتسييالاۋ, ەلەۋمەتتٸك قاشىقتىق تۋرالى ۇمىتپاۋ كەرەك.
