Nur-Sultan qalasy bas sanitar dárigeriniń jańa qaýlysy boiynsha saýda-oiyn-saýyq ortalyqtary men mádeni nysandardyń qalai jumys isteitini belgili boldy, dep habarlaidy "Ult aqparat".
Ashyq jobasyna qatyspaityn saýda, oiyn-saýyq ortalyqtarynyń, saýda úileriniń, saýda ortalyqtarynyń ǵimaratynda ornalasqan dárihanalardyń, azyq-túlik pen birinshi kezekte qajetti zattardy satatyn shaǵyn marketterdiń, sýpermarketter men gipermarketterdiń jumysyna bir kelýshige 4 sharshy metr usyna otyryp, kúsheitilgen sanitariialyq-profilaktikalyq rejim saqtaý arqyly jumys kúnderi saǵat 10.00-den 22.00-ge deiin ruqsat etiltsin. Senbi jáne jeksenbi kúnderi jumysyna tyiym salynsyn», - delingen qujatta.
Sondai-aq, «Ashyq» jobasyna qatyspaityn attraktsiondardyń, oiyn alańdarynyń, muzdy jáne rolikti syrǵanaqtardyń, oiyn ortalyqtarynyń jumysyna qatań tyiym salynady. Al túrli aktsiialar men jármeńkeler, shoýrýmdar, utys oiyndaryn ótkizýge «Ashyq» jobasyna qatysatyn nysandarda da tyiym salynady.
Sonymen birge, «Ashyq» jobasyna qatysatyn fýdkorttarǵa 30 orynnan asyrmai jumys isteýge ruqsat etildedi.
Qaýly boiynsha:
- Ashyq jobasyna qatysatyn okeanariýmnyń jumysyna;
- quramy 15 adamnan aspaityn toptyq ekskýrsiialardyń jumysyna (bir kelýshige keminde 4 sharshy metr oryn qaldyrý arqyly) ruqsat beriletin boldy.
Kitaphanalar, murajailar kúsheitilgen sanitariialyq-profilaktikalyq tártipti saqtaǵan jaǵdaida shtattyq rejimde jumys istei alady.
Ashyq jobasyna qatysatyn kásipkerlik sýbektileri 1 kelýshige keminde 6 sharshy metr oryn qaldyrý arqyly ári bir ýaqytta keletin adam sanyn 150-den asyrmai kórme ótkize alady.
Al Ashyq jobasyna qatyspaityn meiramhana, dámhana, kofehana, ashana tipti qoǵamdyq tamaqtaný obektileri ornalasqan jerine qaramastan, kúsheitilgen sanitariialyq-profilaktikalyq is-sharalardy saqtai otyryp, ǵimarat ishinde 50%-ǵa deiin júktelim saqtaý arqyly, oryn sanyn 30-dan asyrmai, kórshi ústelderdiń arasynda keminde 2 metr jer qaldyrsa, saǵat 07.00-den 20.00-ge deiin jumys isteitin boldy.
Ashyq jobasyna qatyspaityn obektilerde banketter men úilený toilaryn, mereitoilar men eske alý sharalaryn uiymdastyryp, ótkizýge qatań tyiym salynady.
Ashyq jobasyna qatyspaityn jabyq azyq-túlik jáne azyq-túlik emes bazarlardyń jumysy bir kelýshige 4 sharshy metr oryn qamtamasyz etip, kúsheitilgen sanitariialyq-profilaktikalyq sharalardy saqtaý arqyly jumys kúnderi shtattyq rejimde uiymdastyrylady. Al senbi jáne demalys kúnderi jumys isteýne tyiym salynady.
Ózge shekteý sharalaryn myna siltemenden krýge bolady.
Qaýly 28 tamyz kúni saǵat 00:00-den bastap kúshine enedi.
