Foto: Sputnik Qazaqstan / Abzal Kaliev
Nur-Sultanda "Qazaqmys" ǵimaratynda shyqqan órtten zardap shekkender joq, dep habarlady qalalyq tótenshe jaǵdailar departamentiniń baspasóz qyzmeti.
"Elordanyń órt sóndirýshileriniń kúshimen órt 19.10-da sóndirildi. Aldyn ala boljam boiynsha, órttiń aýmaǵy shamamen 60 sharshy metrdi quraidy. Zardap shekkender men qaza bolǵandar joq", - delingen habarlamada.
Aita keteiik, 18-33 minýtta Nur-Sultan qalasynyń Tótenshe jaǵdailar departamentiniń Órt sóndirý bólimsheleri Turan dańǵyly 37/10 mekenjaiynda bolǵan órt ornyna jeke quramnan 44 adam men 11 tehnikasy shaqyrtýǵa shyqty. Aldyn ala aqparat boiynsha ǵimarattyń shatyry jáne qaptaýy janǵan.
Boljam boiynsha órttiń shyǵýyna otty qoldanyp júrgizilgen tehnikalyq jumystar sebep bolǵan.
