Elordadaǵy meditsina qyzmetkerlerine sáýir boiynsha ústemeaqy 10 mamyrǵa deiin tólenedi, dep habarlaidy "Ult aqparat".
«Ústemeaqy jumys istegen kúnder men qaýip satysyna qarai beriletinin bilesizder. 10 sáýirge deiin naýryz aiy boiynsha 1893 meditsinalyq qyzmetkerge ústemeaqy tólendi. Ol úshin 643 mln teńge bólindi», - dedi Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qisyqova onlain brifingte.
Basqarma basshysy óz sózinde sáýir boiynsha ústemeaqy 10 mamyrǵa deiin tólenetinin jetkizdi.
«Buiryqqa sáikes ústemeaqy beriletin dárigerlerdiń tizimin bas dárigerler beredi», - dedi ol.
Aita ketsek Memleket basshysynyń tapsyrmasyn oryndaý sheńberinde memlekettik komissiia epidemiiaǵa qarsy kúresip jatqan meditsina qyzmetkerlerine ai saiyn eńbekaqylaryna belgili mqlsherde ústemeaqy tóleý týraly sheshimdi bekitti. Osy buiryqqa sáikes, táýekeldiń úsh toby anyqtalyp, olar 380 myń teńgeden 850 myń teńgege deiin ústemeaqy alýy tiis.
