Biyl Nur-Sultan qalasynda jalpy uzyndyǵy 100 shaqyrymdy quraityn 150 kóshe jóndeledi. Onyń ishinde 100 kóshe turǵyn alaptarynda ornalasqan. "Ult aqparat" bul týraly elorda ákimdigine silteme jasap habarlaidy.
«Óndiris eldi mekeninde turyp jatqanymyzǵa 25 jyl boldy. Biyl birinshi ret asfalt tóseldi. Buryn biz tipti elordada turatynymyzdy múldem sezbeitinbiz. Joldarda shań-tozań, balshyq kóp bolatyn. Al qazir jaryq ótkizilip, asfalt tóseldi. Balalar kóshede oinai alady. Biz de olarmen birge serýendemiz. Jumyldyrylǵan barlyq jumysshylarǵa alǵys aitamyz. Elorda turǵyndary ekenimizdi endi anyq sezemiz», - dedi atalmysh eldi mekenniń Aqpan tuiyq kóshesi, 7 mekenjaiynda turatyn Sáýle Qulmaieva.
«Óndiris» turǵyn alabynda 16 kóshe jóndelip, keibiri jańadan salynsa, «Agrogorodok» shaǵynaýdanynyń 21 kóshesinde jumystar júrgiziledi. Jol jumystary barlyq derlik turǵyn alabyn qamtityn bolady.
«Jumyspen qamtýdyń jol kartasy» baǵdarlamasy aiasynda biyl 15 myń jumys orny, al jol qurylysy boiynsha 1,5 myń jańa jumys orny qurylady.
Turǵyndar vakansiialar boiynsha jumyspen qamtý ortalyqtaryna júgine alady.
