بيىل نۇر-سۇلتان قالاسىندا جالپى ۇزىندىعى 100 شاقىرىمدى قۇرايتىن 150 كٶشە جٶندەلەدٸ. ونىڭ ٸشٸندە 100 كٶشە تۇرعىن الاپتارىندا ورنالاسقان. "ۇلت اقپارات" بۇل تۋرالى ەلوردا ەكٸمدٸگٸنە سٸلتەمە جاساپ حابارلايدى.
«ٶندٸرٸس ەلدٸ مەكەنٸندە تۇرىپ جاتقانىمىزعا 25 جىل بولدى. بيىل بٸرٸنشٸ رەت اسفالت تٶسەلدٸ. بۇرىن بٸز تٸپتٸ ەلوردادا تۇراتىنىمىزدى مٷلدەم سەزبەيتٸنبٸز. جولداردا شاڭ-توزاڭ, بالشىق كٶپ بولاتىن. ال قازٸر جارىق ٶتكٸزٸلٸپ, اسفالت تٶسەلدٸ. بالالار كٶشەدە ويناي الادى. بٸز دە ولارمەن بٸرگە سەرۋەندەمٸز. جۇمىلدىرىلعان بارلىق جۇمىسشىلارعا العىس ايتامىز. ەلوردا تۇرعىندارى ەكەنٸمٸزدٸ ەندٸ انىق سەزەمٸز», - دەدٸ اتالمىش ەلدٸ مەكەننٸڭ اقپان تۇيىق كٶشەسٸ, 7 مەكەنجايىندا تۇراتىن سەۋلە قۇلمايەۆا.
«ٶندٸرٸس» تۇرعىن الابىندا 16 كٶشە جٶندەلٸپ, كەيبٸرٸ جاڭادان سالىنسا, «اگروگورودوك» شاعىناۋدانىنىڭ 21 كٶشەسٸندە جۇمىستار جٷرگٸزٸلەدٸ. جول جۇمىستارى بارلىق دەرلٸك تۇرعىن الابىن قامتيتىن بولادى.
«جۇمىسپەن قامتۋدىڭ جول كارتاسى» باعدارلاماسى اياسىندا بيىل 15 مىڭ جۇمىس ورنى, ال جول قۇرىلىسى بويىنشا 1,5 مىڭ جاڭا جۇمىس ورنى قۇرىلادى.
تۇرعىندار ۆاكانسييالار بويىنشا جۇمىسپەن قامتۋ ورتالىقتارىنا جٷگٸنە الادى.
