Elordadaǵy Qabanbai batyr dańǵyly 8 jolaqty bolady. Bul týraly búgin Ortalyq kommýnikatsiialar qyzmetindegi baspasóz máslihatynda Nur-Sultan qalasynyń ákimi Altai Kólginov aitty, dep habarlaidy "Ult aqparat".
«Sońǵy 10 jyl ishinde avtomobil sany 2 eseden asa ulǵaidy. 200 myń bolǵan edi, qazir shamamen 500 myńdy quraidy. Biyl 50 shaqyrymnan astam joldy, iaǵni 69 kósheni jóndedik. Qabanbai batyr dańǵylyndaǵy júktemege qatysty másele bar. Kún saiyn tańerteńgi jáne keshki qarbalas shaqta osynaý magistraldi jolda óte úlken júkteme baiqalady. Biz ony 8 jolaqqa deiin ulǵaitamyz. Qazirgi ýaqytta jobalyq-smetalyq qujattamasy jedel jasalyp jatyr. Qabanbai batyr dańǵylynda jáne Turan dańǵylyǵynda kóshe qiylystarynda jol airyqtaryn salamyz. Olar taǵa túrinde bolady. Kelesi jyly bastaimyz», - dedi Altai Kólginov.
Sonymen qatar ol elordanyń oń jáne sol jaǵalaýyn qosatyn 3 kópir salynatynyn aitty. Atap aitqanda, Esil ózeni men Nura-Esil arnasynan ótetin kópirlerdiń biri Táýelsizidk dańǵylynyń boiynda, eki kópir Uly dala boiynda salynady.
