Keshe áleýmettik jelide Esil ózeniniń «Serýen» jaiaý júrginshiler kópiri mańynda balyq jinalyp qalǵany týraly aqparat jariialandy. Osyǵan bailanysty Ekologiia, geologiia jəne tabiǵi resýrstar ministrligi málimet taratty, dep habarlaidy "Ult aqparat".
Vedomstvonyń málimetinshe, sol kúni «Aqmola oblystyq orman sharýashylyǵy jáne janýarlar dúniesi aimaqtyq inspektsiiasy» RMM Astana inspektsiiasy bóliminiń inspektorlary Nur-Sultan qalasy ákimdiginiń «JasNur» ÓShK ókilderimen birlesip, sý aidynyn tekserip shyqqan.
Sholyp shyqqan qyzmetshiler aitylǵan orynnan jas balyqtyń jinalǵanyn baiqaǵan, biraq óli balyq tabylmady.
2020 jyldyń 13 mamyrynda «Aqmola oblystyq orman sharýashylyǵy jáne janýarlar dúniesi aimaqtyq inspektsiiasy» RMM Astana inspektsiiasy bóliminiń inspektorlary Nur-Sultan qalasy ákimdiginiń «JasNur» ÓShK ókilderimen, sonymen qatar «Balyq sharýashylyǵy ǵylymi-óndiristik ortalyǵy» JShS soltústik filialymen birlesip Esil ózeni akvatoriiasynyń jaǵalaýy men jaiaý júrginshiler kópirine tekserý júrgizdi. Balyq jinalyp qalǵan oryndarda ólgen balyq tabylmady, sonymen qatar, sýdyń ziiandy zattarmen lastanǵany da baiqalmady. Nur-Sultan qalasy ekologiia departamenti sýdan synama aldy.
Esil ózeniniń ihtiofaýnasyna monitoring jasaý jalǵasyp jatyr.
Aita ketsek, balyqtar ýyldyryq shashyp, kóbeiip jatqanyna bailanysty 20 sáýir men 20 mamyr aralyǵynda Esil ózeni men oǵan quiatyn salalarda balyq aýlaýǵa tyiym salynǵan.
