.jpeg)
Qazaqstan Respýblikasy Memlekettik rámizderiniń 30 jyldyǵyn merekeleý aiasynda Nur-Sultan qalasynda patriottar forýmy ótti. Is-sharaǵa kórnekti mádeniet ókilderi, qoǵam jáne memleket qairatkerleri, ǵalymdar jáne t.b. qatysty.
«Biz árqashan Týymyz ben Ánuranymyzdy, Eltańbamyzdy maqtan tutamyz jáne búgin osy tamasha merekeni atap ótý úshin jinalyp otyrmyz. Árqashanda aspan tústes-kók bairaǵymyz táýelsizdigimizdiń myzǵymastyǵyn, qazaqstandyqtardyń joǵary jetistikterin álemge maqtanyshpen súiinshilep, kókte jelbirep tursyn!
Árqaisymyzdyń júregimizde jattalǵan Ánuranymyzdyń qasietti sózderi álemdi jańartatyn jetistikterge jetelep, jigerlendirsin. Eltańbamyz árqashanda Qazaq memleketiniń joǵary bedeliniń belgisi bolsyn! Bul zalda elimizdiń ozyq oily, jasampaz jastary jinalyp otyrsyzdar, men Sizderdiń memlekettik rámizderge degen airyqsha qasterli qarym – qatynastaryńyzdyń negizinde elge degen zor maqtanysh, Otanǵa degen sheksiz súiispenshilik jáne shynaiy halyq birligi turǵanyna kámil senimdimin», - dedi Dáýren Abaev forýmǵa qatysýshylarǵa arnaǵan sózinde.
Sondai-aq, is-shara barysynda «Jyl patrioty» nominatsiiasynyń jeńimpazdary marapattaldy:
«Ǵylym jáne bilim» – Ashat Jumabekov, bilim berý zertteýleriniń Eýropalyq Assotsiatsiiasynyń eýropalyq baiqaýynyń jeńimpazy; Maksim Zdorovets, fizik, L. N. Gýmilev atyndaǵy Eýraziia ulttyq ýniversiteti trektik membranalyq tehnologiialardy damytý jónindegi injenerlik beiindegi zerthananyń jetekshisi, fizika-matematika ǵylymdarynyń kandidaty.
«Mádeniet jáne sport» – 2022 jylǵy Beijińdegi qysqy Paralimpiadasynyń qola júldegeri Aleksandr Gerlits; Gúlnur Mamasaripova, teleprodiýser, stsenarist.
«Meditsina jáne volonterlik» – QazCovid-in (QazVac) koronavirýs infektsiiasyna qarsy qazaqstandyq vaktsinany ázirleýshi Kúnsulý Zakariia; erikti Abylaihan Ábdirash Nur-Sultan qalasynda pandemiia kezinde kásibi meditsinalyq kómek kórsetken. Sondai-aq halyqqa meditsinalyq kómek kórsetý úshin «Qazaqstannyń Meditsina Jastary» RQB qurǵan.
«Ónerkásip jáne aýyl sharýashylyǵy» - kásipker Beibit Asanov óz qarajatyna týǵan aýylynda (Pogadaev aýyly, BQO) sport keshenin salǵan. Qazirgi ýaqytta onda aýyl turǵyndary jattyǵyp, mádeni is-sharalar ótkizýde; Amanjol Aripov, «BAHA SOHNE» JShS direktory, Aqmola oblysy Atbasar aýdany Pokrovka aýylynda suly úlpegin óndiretin zaýyt salǵan. Kompaniianyń 1000 bas iri qara malǵa arnalǵan bordaqylaý alańy bar.
«Tehnologiia jáne biznes» - Órken Mamyrbaev Phillips kompaniiasymen birge qazaq tilindegi sózderdi mátinge ainaldyratyn baǵdarlamalyq qamtamasyz etýdi ázirlegen. Bul tehnologiia qazaq tilin aqparattyq keńistikke integratsiialaý jáne damytý úshin tuńǵysh ret ázirlendi; Sabyrjan Akbarov, kásipker jáne metsenat, 2021 jyly Sardoba sý qoimasy bógetiniń buzylýynan paida bolǵan apat kezinde Túrkistan oblysy Maqtaaral aýdanynyń turǵyndaryna kómek kórsetken. Sondai-aq ótken jyly qýańshylyqqa bailanysty jem-shóp tapshylyǵy kezeńinde Mańǵystaý oblysynyń turǵyndary úshin shóp jinaýǵa kómek kórsetken.
«Erekshe erlik kórsetken azamattar» – Ulan Myrzabai, gvardiiashy, Aqtóbe qalasyndaǵy qańtar oqiǵasy kezinde Otan aldyndaǵy boryshyn abyroimen oryndap, erlik kórsetken; Sábit Shontaqbaev segizinshi qabattan úsh jasar qyzdy óz ómirin qaterge tigip qutqarǵan.
