Elordada jumyssyzdar sany 6% ósýi múmkin. Bul týraly elorda turǵyndaryn jumyspen qamtý máselesi taqyrybynda ótken onlain baspasóz konferentsiiasynda aityldy, dep habarlaidy "Ult aqparat".
«Karantin bastalǵaly jumysynan aiyrylyp qalǵandar sany aitarlyqtai ósti. Búgingi tańda elordadaǵy jumyssyzdar deńgeii 4,6%. Bul kórsetkish 6%-ǵa deiin ósedi dep kútilýde. 83 jumys berýshi bizge 867 adam jumysynan qysqarýy múmkin ekenin aitty. Onyń ishinde 276 adamdy jumystan qysqartýǵa týra kelgen», - deidi «Nur-Sultan qalasy ákimdiginiń Halyqty jumyspen qamtý ortalyǵy» KMM jumysqa ornalasýǵa járdemdesý bóliminiń jetekshisi Azamat Baitasov.
Sondai-aq, ol jumysynan aiyrylyp qalǵan azamattarǵa áleýmettik tólem alýǵa bolatynyn jetkizdi.
«Áleýmettik tólem alý úshin qajetti qujattardy rettep, Halyqty jumyspen qamtý ortalyǵyna barý kerek», - deidi ol.
