Elordada salynyp jatqan turǵyn úi keshenderiniń biriniń 10-qabatynan jumysshy qulap ketti, dep habarlaidy "Ult aqparat".
Nur-Sultan qalalyq tótenshe jaǵdailar departamentiniń baspasóz qyzmeti oqys oqiǵanyń oryn alǵany týraly habarlama saǵat 10:50-de túskendigin atap ótedi.
«Búgin saǵat 10:50-de Nur-Sultan qalalyq tótenshe jaǵdailar departamentine Esil aýdanyndaǵy Máńgilik el 80 mekenjaiynda jańadan salynyp jatqan «Alinger» turǵyn úi kesheninde qaiǵyly jait oryn alǵany týraly habarlama tústi. Qurylys kompaniiasynyń 1988 jyly dúniege kelgen jumysshysy 10-qabattan qulap ketti. Ol №2 qalalyq aýrýhanaǵa jetkizildi», - dep atap ótedi vedomstvodan.
