Jeksenbi kúni Nur-Sultan qalasynyń Tilendiev kóshesinde avtokólik pen shaǵyn avtobýs jol apatyna ushyrap, 11 adam jaraqat aldy. Bul týraly jergilikti Politsiia departamentiniń baspasóz hatshysy Sofiia Qylyshbekova aitty, dep habarlaidy QazAqparat tilshisi.
«19 mamyr kúni saǵat 16.05 shamasynda Tilendiev dańǵylynyń boiynda júk kóligi shaǵyn avtobýspen soǵysty. Jol apaty saldarynan zardap shekkender bar. Meditsinalyq mekemelerge 11 adam jetkizilse, qazirgi ýaqytta onyń ekeýi aýrýhanaǵa jatqyzyldy», - dedi ol.
Onyń aitýynsha, jol apaty faktisi boiynsha sotqa deiingi tergeý amaldary júrgizilip jatyr. Qajetti saraptamalar taǵaiyndalǵan.
«Jol apatynyń mán jaiy anyqtalyp jatyr», - dedi Sofia Qylyshbekova.
Aita keteiik, búgin elordada taǵy bir jol-kólik apaty boldy. «19 mamyr kúni saǵat 12:05-te Abylaihan dańǵyly boiynda «Nissan XTrail» markaly kóligi «Lifan H50» avtomashinasyna soqtyǵysty. Qatty soqqy saldarynan «Lifan H50» kóligi joldan ótip bara jatqan adamdardy basyp ótken. Oqiǵa ornynda bir adam kóz jumyp, taǵy 4 adam dene jaraqattaryn aldy», - dedi qalalyq Politsiia departamentinen. Sotqa deiingi tergeý bastaldy, tiisti saraptamalar taǵaiyndaldy.
