Elordada taǵy 15 jolda «Bus Lane» arnaiy jolaqtaryn engizý josparda bar. Olardyń jalpy uzyndyǵy 42,3 shaqyrymdy quraidy, dep habarlaidy "Ult aqparat".
2021-2022 jyldarda qoǵamdyq kólikke arnalǵan «Bus Lane» jolaǵy A. Baitursynov, J. Nájimedenov, Q. Muhamedhanov, Túrkistan kósheleri, Jeńis, Abylai han, Qabanbai batyr, Turan, B. Momyshuly, Táýelsizdik (3-bóligi), Uly Dala, Máńgilik El, R. Qoshqarbaev dańǵyldarynda iske qosylady.
«Bus Lane» jobasynyń maqsaty – jolaýshylardyń yńǵaily jol júrýine jaǵdai jasaý jáne qoǵamdyq kólik qozǵalysyna basymdyq berý. Budan basqa, arnaiy jolaqpen júrý quqyǵy shuǵyl qyzmetterine (jedel járdem, órt qyzmeti) beriledi.
«Bus Lane» jobasy elordada 2015 jylǵy 26 shildede engizildi. Alǵashynda arnaiy joldar Abylai han dańǵylynan Saraishyq kóshesine deiingi B. Momyshuly dańǵylynda jáne Ýálihanov kóshesinen Saryarqa kóshesine deiingi bólikterdegi Bógenbai batyr dańǵylynda paida boldy. Birinshi bóliktiń uzyndyǵy – 2,84, ekinshisiniń uzyndyǵy – 2,15 shaqyrymdy qurady.
Búgingi kúni Nur-Sultanda 21 jolda uzyndyǵy 51 shaqyrymdyq avtobýs jelisi bar. Bul óz kezeginde baǵdar jelisiniń 13% qamtityn kólik qańqasyn qalyptastyrýǵa múmkindik berdi. Búginde qoǵamdyq kóliktiń biregei paidalanýshylarynyń sany 550 myńnan astam adam (elorda halqynyń 46%). Qoǵamdyq kólikpen kún saiyn 500 000 sapar jasalady.
«Bus Lane» arqyly qoǵamdyq kólik quraldarynyń júrý tiimdiligi 25%-ǵa jetedi jáne jol júrý ýaqytyn 12,5 minýtqa qysqartady. Mysaly, avtobýs arnaiy bólingen 15 shaqyrymdyq jolaqpen júrgende onyń jol júrý ýaqyty 37,5 minýtty quraidy, «Bus Lane» bolmasa – 50 min. Bólingen jolaqtardy keńeitý, bolashaqta qoǵamdyq kólikti damytýǵa oń áserin tigizedi. Óz kezeginde, bul avtobýstardyń jol júrý ýaqytyn qosymsha 14%-ǵa qysqartady. Budan basqa, kestelerdi 160-tan astam birlikke ońtaily qaita bólý arqyly, avtobýs tapshylyǵyn qysqartady. Jalpy alǵanda, kóbeitiletin jolaqtardy eskere kele, «Bus Lane» baǵdar jelisiniń 23% qamtityn bolady. Engiziletin bólikter tiziminen qala mańy jáne qalalyq baǵyttar úshin mańyzdy kólik arteriiasy – Qabanbai batyr dańǵylyn bólek qarastyrý qajet. Ol jolmen kún saiyn 7 qala mańy jáne 8 qalalyq baǵyttar júredi. Bul – 192 avtobýs», - deidi «City Transportation Systems» JShS Basqarma Tóraǵasy Bekmyrza Igenberdinov.
Memleket basshysymen qalalar ishindegi kólik legin saýatty qurý, qoǵamdyq kólikterge arnalǵan jolaqtar boiynsha kólik júrgizýshileriniń qarbalas saǵattarynan tys jáne demalys kúnderi qozǵalý múmkindigin pysyqtaý týraly tapsyrmasy berilgen edi. Tapsyrmaǵa orai, «City Transportation Systems» JShS baǵdar jelisine taldaý júrgizip, Abylai han dańǵyly boiynsha osy bastamany engizý týraly sheshim qabyldandy. Pilottyq jobany engizý barysynda jan-jaqty tiimdilik esepteledi.
Sondai-aq, Nur-Sultan qalasynyń ákimdigimen Túrkistan kóshesindegi bólý jolaǵyn alyp tastap, ony qala ortalyǵyna qarai engizý týraly sheshim qabyldandy. Bul turǵyzylyp jatqan turǵyn aýdandy qoǵamdyq kóliktiń qyzmet etýin tolyq kólemde qamtamasyz etýge jáne joldyń shetki oń jaǵyn kólik turaǵyna ainaldyrmaýǵa kómektesedi.
