Elorda qoǵamdyq kóliginde bet-álpetpen jol aqysyn tóleý jobasy iske qosyldy. Bul týraly "Ult aqparat" Astana LRT-ǵa silteme jasap habarlaidy.
«FacePay júiesi jol aqysyn jolaýshylarǵa bep-álpetpen tóleýge múmkindik beredi. Arnaiy jabdyqtar eki avtobýsta ornatylǵan. FacePay paidalanýshylary bul avtobýstardy korpýstaǵy logotipter arqyly tani alady. Álemde osyndai joba qoǵamdyq kólikte alǵash ret júzege asyrylýda. Bul servis arqyly kez-kelgen jolaýshy qoǵamdyq kólikke kirip, jol júrý aqysyn tólei alady. Qolma-qol aqshasyz tólem bolǵandyqtan, jol júrý quny - 90 teńge», - delingen kompaniia habarlamasynda.
Arnaiy kameralarmen jabdyqtalǵan avtobýstarda júie adamnyń bet-álpetin tanyp, avtomatty túrde qajetti somany alady. Paidalanýshy júie arqyly, sondai-aq óz bankiniń sms-bankingi arqyly tólem týraly habarlama alatyn bolady. Bul júieniń júrgizýshi úshin fýnktsionaly da yńǵaily jáne avtomatty túrde esep júrgizýge múmkindik beredi.
Júie qoldanys úshin ońai jáne onyń qaýipsizdigi tiisti deńgeide. Qoǵamdyq kólikte jol aqysyn FacePay arqyly tóleý úshin Telegram-nan @FacePay_bot bot-baǵdarlamasyn taýyp, oǵan JSN-dy tirkep, sýretke túsirý kerek jáne banktik kartany tirkeý qajet.
