Elordadaǵy Seifýllin jáne Jeltoqsan kósheleriniń qiylysynda mas kúide bilep, júrginshilerge kedergi keltirgen er adam ustaldy, dep habarlaidy "Ult aqparat".
Jol qiylysynda bi bilep, el nazaryn ózine aýdarǵan 33 jastaǵy jigit ekeni anyqtaldy. Onyń bul áreketi qiylystaǵy jol qozǵalysyn baqylaý úshin qoiylǵan beinekameraǵa túsip qalǵan.
«Elordanyń 33 jastaǵy turǵyny óz áreketimen jol qozǵalysy erejelerin buzyp, kólik quraldarynyń qozǵalysyna kedergi keltirdi. Mas bishini patrýldik politsiia jasaǵy kelgenge deiin júrgizýshilerdiń biri jol jieginde ustap turǵan. Tártip buzýshy politsiia basqarmasyna jetkizildi. Qoǵamdyq orynda mas júrgeni úshin jáne jaiaý júrginshilerdiń qozǵalys erejelerin buzǵany úshin ol Ákimshilik quqyq buzý týraly kodekstiń 615 jáne 440-baptary boiynsha ákimshilik jaýapkershilikke tartyldy», - dep jazady Nur-Sultan qalasy politsiia departamentiniń baspasóz qyzmeti.
Politsiia ókilderi qala turǵyndarynan osyǵan uqsas tártipsizdikterge kez bolsa, birden «102» nómirine habarlasýdy surap otyr.
