Elordada adam saýdasyna qatysty qylmystardyń aldyn alý, anyqtaý jáne ashýǵa baǵyttalǵan «STOP trafik» jedel-aldyn alý sharasy ótti, dep habarlaidy QazAqparat qalalyq politsiia departamentiniń baspasóz qyzmetine silteme jasap.
Shara bastalǵanan beri politseiler 46 adamdy anyqtap, arnaiy esep aldy. Jezókshelikpen ainalysý nemese jeńgetailyq jasaý úshin bólmelerdi jalǵa bergen 4 turǵynǵa aiyppul salyndy, taǵy 29 adam ákimshilik jaýapkershilikke tartylǵan.
«Politsiia qyzmetkerleri jeńgetailyqpen ainalysqan 40 jastaǵy áieldi ustady. Ol massaj salony retinde ashqan bólmelerinde jezókshelikpen ainalysatyn priton uiymdastyrǵan. Áiel paida tabý úshin onda kelýshilerdi intim qyzmetin kórsetetin qyzdarmen jolyqtyryp otyrǵan. Osyǵan uqsas qylmys jasaǵany úshin qaladaǵy saýnanyń 23 jastaǵy ákimshisi de ustaldy. Tekserý barysynda aqsha men aiǵaq dálelder anyqtalǵan», - dedi politsiia departamentinen.
Qazirgi kezde ustalǵandarǵa qatysty sotqa deiingi tergeý amaldary júrgizilip jatyr. Politsiia qyzmetkerleri arnaiy shara kezinde jeńgetailyq jasaý jáne priton uiymdastyrýǵa qatysty 10 faktini anyqtady.
