Maýsymda elordalyqtar koronavirýs juqtyryp aldym dep qaýiptenip, jedel meditsialyq járdem stansasyna 2,6 myńnan astam qońyraý shalǵan. Bul týraly Nur-Sultan qalasy Jedel meditsinalyq járdem stansasynyń direktory Murat Orazbaev aitty, dep habarlaidy QazAqparat.
«Elimizdiń bas memlekettik sanitarlyq dárigeriniń qaýlysyna sáikes, jedel kómek qyzmetkerleri aiyna bir ret 100 paiyz PTR-testileýinen ótýi tiis. Osy rette Nur-Sultan qalasy boiynsha mynadai derek keltire keteiin. 1 maýsymnan bastap búgingi kúnge deiin koronavirýs infektsiiasymen bailanysty 2,6 myńnan astam shaqyrtý tirkeldi. Onyń ishinde 1 236 patsient aýrýhanaǵa jatqyzyldy. Bul 48 paiyzdy quraidy. Qalǵan patsientter ýchaskelik dáriger qadaǵalaý úshin úilerine jiberildi», - dedi Murat Orazbaev Ortalyq kommýnikatsiialar qyzmetinde ótken brifing barysynda.
Al Ulttyq shuǵyl meditsinany úilestirý ortalyǵy basqarma tóraǵasynyń mindetin atqarýshy Baýyrjan Júsipov jedel meditsinalyq járdem qyzmetine koronavirýs infektsiiasyna bailanysty túsken qońyraýlardyń 5 myńnan asyp ketkendigin aitady.
«Biz únemi monitoring júrgizip otyramyz. Mádimetter kún saiyn, tipti saǵat saiyn ózgerip turady. Qazirgi ýaqytta koronavirýs infektsiiasy kúdigimen 5 myńnan astam shaqyrtýlarǵa jedel kómek brigadasynyń qyzmet kórsetkendigi týraly málimet bar. Olardyń 70 paiyzǵa jýyǵy aýrýhanaǵa jatqyzylǵan. Bizde bekitilgen algoritm bar. Soǵan sáikes, aýrýdyń jeńil aǵymy anyqtalǵan jaǵdaida jáne qaýip faktorlary joq patsient úide qaldyrylady. Ary qarai emhananyń ýchaskelik dárigeriniń qadaǵalaýyna jiberiledi. Keibir jaǵdaida patsent aýrýhanaǵa aparylǵan joq, endi bir jaǵdailarda koronavirýs infektsiiasy belgileri baiqalmady», - dedi Baýyrjan Júsipov.
