Nur-Sultan qalasynyń ákimi Altai Kólginov astanada karantin rejimi engizilgennen beri KVI boiynsha jaǵdaidyń turaqtalǵanyn málim etti, dep habarlaidy "Ult aqparat".
«Qatań karantin engizý nátijesinde qazirgi kúni jaǵdaidyń turaqtanǵany baiqalady. Koronavirýs infektsiiasyn juqtyrǵandardyń sany 8 619 adamdy qurady. 5511 adam nemese 64 paiyzy emdelip shyqty. Ókinishke qarai, 212 adam qaitys boldy. 262 adam statsionarda em alyp jatyr. Aýyr haldegi naýqastardyń sany 30 paiyzǵa azaidy. Infektsiialyq jáne statsionarlyq provizorlarda tósek-oryn sany artty», - dedi Altai Kólginov Úkimet otyrysynda.
Elorda ákiminiń aitýynsha, qalada osy ýaqytqa deiin 260 myńnan astam PTR-test jasalǵan.
«Jedel járdem stansasynyń bazasynda naýqastardyń aǵymyn birkelki bólý úshin ahýal ortalyǵy uiymdastyryldy. Sonymen qatar, jedel járdem brigadalarynyń sany 110-nan 160-qa deiin artty. Sonymen qatar meditsinalyq kolledjderden 275 jas maman emhanalarǵa jumysqa ornalastyryldy. Meditsinalyq ýniversitetten 300 stýdent jumyldyryldy», - dedi ol.
Altai Kólginovtyń sózinshe, karantin rejimi engizilgennen beri KVI jaǵdaiynyń turaqtalýy baiqalady. Jedel járdemge júginý sany táýligine 4300-den 2 myńǵa deiin tómendedi. Shaqyrý sany táýligine 3 myńnan 1400-ge azaidy.
