Elordada jaiaý júrginshini qaǵyp mert qylǵan kólik júrgizýshisi oqiǵa ornynan qashyp ketti, dep habarlaidy "Ult aqparat".
Nur-Sultan qalalyq politsiia departamentiniń málimetinshe, 6 qazan kúni saǵat 21:19-da «Chance» markaly kólikti mas kúide basqarǵan júrgizýshi Á.Kekilbaev kóshesimen kele jatyp, Q.Qaisenov kóshesi qiylysynda baǵdarshamnyń tyiym salynǵan belgisine qaramastan ótip ketip, jaiaý júrginshini qaqqan. Júrgizýshi oqiǵa ornyna boi tasalaǵan. Al baǵdarshamnyń ruqsat etilgen belgisimen jaiaý júrginshiler joly arqyly ótip bara jatqan 28 jastaǵy jigit alǵan jaraqaty saldarynan oqiǵa ornynda kóz jumdy.
Oqiǵa ornynan boi tasalǵan «Chance» markaly kóliktiń júrgizshisi saǵat 21:22-de kóshe qiylysynda turǵan «Lexus» kóligin soqqan. Osydan keiin ol kóligin tastap qashyp ketken. «Lexus» kóliginiń jolaýshysy – aiaǵy aýyr kelinshek aýrýhanaǵa jetkizilip, dárigerler qaraǵannan keiin úiine jiberilgen.
«Jedel izdestirý sharalary barysynda kóliktiń 23 jastaǵy mas júrgizýshisin politsiia qyzmetkerleri qolǵa túsirdi. Meditsinalyq kýálandyrý qorytyndysyna sáikes, ol orta aýyr deńgeiinde alkogolge mas kúide bolǵan. Atalǵan fakti boiynsha Qylmystyq kodek 345-1 baby 3-tarmaǵy jáne 347- baby boiynsha tergeý júrgizilip jatyr. Ustalǵan azamat Nur-Sultan qalalyq PD ýaqytsha oqshaýlaǵyshyna qamaldy», - dep atap ótedi vedomstvodan.
Jalpy, osy jyldyń 9 aiynda elordada mas júrgizýshilerdiń kesirinen 14 jol-kólik apaty oryn alyp, saldarynan 1 adam qaza tapsa, 21 adam túrli dene jaraqatyn alǵan.
«Mas júrgizýshilerdiń kinásinen oryn alatyn jol-kólik oqiǵalarynyń sany artyp keledi. Oqiǵa saldarynan kinásiz adamdardyń mert bolýy nemese jarynjan bolyp qalýy airyqsha qaiǵyly jait. Mas júrgizýshilerdiń kinásinen oryn alatyn apattardyń aldý alý elordalyq politsiianyń basym mindeti bolyp qala beredi», - dedi Nur-Sultan qalalyq PD bastyǵy Erdan Sádenov.
