Foto: Polisia.kz
Jas jubailar Astanadaǵy oiyn-saýyq oryndarynda esirtki taratqan, – dep habarlaidy "Ult aqparat" Polisia.kz portalyna silteme jasap.
Elordalyq politseiler “Qarasora – 2023” jedel-profilaktikalyq is-sharasy aiasynda oiyn-saýyq oryndaryna esirtki jetkizýmen ainalysqan jas jubailardy anyqtady. Astana turǵynyna tiesili Mercedes-Benz avtokóligin tintý barysynda salmaǵy 200 gramnan asatyn mefedron esirtkisi salynǵan qaǵaz qapshyq, oraýysh ydystar men esirtki zattaryn qaptaýǵa arnalǵan qurylǵylar tárkilengen.
Odan ári erli-zaiyptylardyń Bekturova kóshesindegi turǵylyqty jerin tintý kezinde as úi shkafynan salmaǵy 350 gramnan astam mefedron esirtkisi bar sómke tabylǵan.
"Tárkilengen sintetikalyq mefedron esirtkisiniń jalpy salmaǵy 558 gramm nemese shamamen eki myńnan astam bir rettik dozany quraidy. Qazirgi ýaqytta sotqa deiingi tergeý amaldary júrgizilip jatyr.
Esirtki satýshylardyń biri Astana qalasy politsiia departamentiniń ýaqytsha ustaý izoliatoryna qamaldy" - delingen habarlamada.
Elordalyq politseiler jyl basynan 750 esirtki qylmysyn anyqtap, salmaǵy 262 keli bolatyn esirtki tárkilegen, onyń ishinde 43 keli “sintetika” bolǵan.
